Әлеуметтік желілердегі кез келген репост немесе пікір автоматты түрде қылмыс болып саналмайды. Қылмыстық жауапкершілікке тартылу үшін нақты қылмыс құрамының белгілері, соның ішінде жарияланымның мазмұны, ниеті және оны тарату мән-жайлары анықталуы тиіс.
Жауапкершілік пен жаза түрлері:
• Терроризмді насихаттау: ҚР ҚК 256-бабы терроризмді насихаттауға, террористік актіні жасауға жария түрде шақыруға, сондай-ақ террористік сипаттағы материалдарды дайындауға, сақтауға және таратуға қатысты. Бұл әрекеттер үшін мүлікті тәркілеумен 5 жылдан 9 жылға дейін бас бостандығынан айыру қарастырылған.
• Ауырлататын мән-жайлар: Егер қылмыс әлеуметтік желілерді, онлайн-платформаларды, БАҚ-ты пайдалана отырып, адамдар тобымен немесе қызметтік жағдайын пайдалана отырып жасалса, жаза мүлікті тәркілеумен 7 жылдан 12 жылға дейін ұлғаяды.
• Аса ауыр зардаптар: Ауырлататын мән-жайлар кезінде жаза 5 жылдан 10 жылға дейін, ал аса ауыр зардаптарға әкеп соқтырған жағдайда - 12 жылдан 20 жылға дейін бас бостандығынан айыруды құрайды.
Қазақстандықтарға әлеуметтік желілерде тарататын ақпаратқа мұқият болып, материалдардың мазмұнын тексеру, сондай-ақ зорлық-зомбылыққа, терроризмге, ұлтаралық немесе дінаралық алауыздықты қоздыруға шақыратын жарияланымдармен бөліспеу қатаң ұсынылады.
Әлеуметтік желілерде memleket.kz-ке жазылыңыз
Қазақстанның маңызды жаңалықтары мен пайдалы материалдары — өзіңізге ыңғайлы платформада.
