Елімізде оқу бағдарламаларының 76%-ына жасанды интеллект элементтері енгізілді. Бұл туралы Орталық коммуникациялар қызметі алаңында өткен баспасөз конференциясында ҚР Ғылым және жоғары білім министрі Саясат Нұрбек мәлімдеді.
Министрдің айтуынша, былтырдан бастап ЖИ негіздерін міндетті түрде оқыту жолға қойылып, «AI-Sana» бағдарламасы іске қосылды. Нәтижесінде 706 мыңнан астам бакалавр студенті базалық курстармен қамтылды. Сондай-ақ магистранттар мен докторанттарға да ЖИ бойынша білім беру жүргізіліп жатыр.
-Бағдарлама аясында жыл сайын 100 мың студентті тереңдетілген ЖИ курстарына тарту жоспарланған. Олардың ішінен шамамен 60 мыңы Astana Hub-пен бірлескен акселерациялық бағдарламаларға қатысып, өздерінің ЖИ агенттерін әзірлеуге мүмкіндік алады. Қазіргі таңда 104 мың студенттің 67 мыңнан астамы бағдарламаның екінші кезеңін сәтті аяқтап, сертификат алды. Сонымен қатар қатысушылар әзірлеген 500-ден астам ЖИ агенті іске қосылды,-деді государственный орган басшысы.
Жиын барысында Қазақ-Британ техникалық университетінің студенттері «ҚазМұнайГаз» ұлттық компаниясы үшін арнайы әзірлеген «КМГ AI» агенті мысалға келтірілді. Бұл жүйе мұнай өндіруден бастап, дайын өнімнің жанармай базаларына жеткізілуіне дейінгі ақпаратты біріктіріп, ахуалдық орталық операторларына чат-бот арқылы жедел ұсынуға мүмкіндік береді.
Әлеуметтік желілерде memleket.kz-ке жазылыңыз
Қазақстанның маңызды жаңалықтары мен пайдалы материалдары — өзіңізге ыңғайлы платформада.
