Қоғамдық орындарда ішімдік ішкен: Өскеменде осындай үш фактінің жолы кесілді
Өскемен қаласында полиция қызметкерлері қоғамдық тәртіпті сақтау және құқық бұзушылықтардың алдын алу бағытындағы жұмыстарды жалғастыруда.
Қоғамдық орындарда алкогольдік ішімдіктерді ішуге қатысты үш дерек тіркелді. Құқық бұзған азаматтардың жасы – 33, 42 және 46-да. Оның екі жағдайы Михаэлис көшесі мен Назарбаев даңғылындағы балалар ойын алаңдарында болған. Тағы бір дерек Комаров көшесінде тіркелді.
Барлық жағдай бойынша Қазақстан Республикасының Әкімшілік құқық бұзушылық туралы кодексінің 440-бабының 1-бөлігіне сәйкес әкімшілік хаттамалар толтырылды.
Балалар ойын алаңдары бүлдіршіндердің ойнап, демалуына арналған. Сондықтан мұндай орындардың қауіпсіз әрі отбасылар үшін жайлы болуы маңызды. Қоғамдық орындарда алкогольдік ішімдіктерді ішу белгіленген тәртіпті бұзып, айналадағы адамдарға қолайсыздық тудыруы мүмкін.
Полиция тұрғындарды қоғамдық тәртіпті сақтауға және өзгелердің тыныш әрі қауіпсіз демалу құқығын құрметтеуге шақырады.
«Заң мен тәртіп» қағидаты баршаға ортақ.
ШҚО ПД баспасөз қызметі
