Қызылорда облысы Сырдария ауданында құны 40 млрд теңге жүгері терең өңдеу зауытын салу бойынша «Қызылорда крахмал-сірне зауыты» ЖШС инвестициялық жобасының 1-кезеңі (кептіру кешені) іске қосылды.
Нысанды іске қосу рәсіміне Қызылорда облысы прокурорының міндетін атқарушы Нұрболат Дүйсенбаев пен облыс әкімі Мұрат Ергешбаев қатысты.
Бұл жоба - ауыл шаруашылығын әртараптандыруға және жүгері дақылдарының көлемін арттыруға бағытталған бірегей бастама.
Инвесторлардың құқығын қорғау прокуратура органдары қызметінің басым бағыттарының бірі болып қала береді.
Инвестициялық жобаларды іске асыруға және өңірлік бизнестің дамуына әсер етуі мүмкін мәселелерді жедел шешуге ерекше назар аударылады.
Қызылорда облысының прокуратурасы әкімшілік кедергілерге тап болған немесе құқықтары бұзылған инвесторларды келесі телефондар арқылы: 8-700-156-11-66, 27-77-47 немесе 115 Call-орталығына дереу хабарласуға шақырады.
Әлеуметтік желілерде memleket.kz-ке жазылыңыз
Қазақстанның маңызды жаңалықтары мен пайдалы материалдары — өзіңізге ыңғайлы платформада.
