«Еркіндік рухы» тұжырымдамасы аясында студенттерге адам құқықтары мен бостандықтарын қорғау мәселелері бойынша дәріс өткізілді
«Еркіндік рухы» тұжырымдамасын дамыту аясында Әл-Фараби атындағы ҚазҰУ-дың физика-техникалық факультетінде студенттерге «Адамның негізгі құқықтары мен бостандықтарын қорғау мәселелері» тақырыбында дәріс өткізілді.
Дәріс барысында студенттерге Қазақстан Республикасының Конституциясында кепілдік берілген адам мен азаматтың негізгі құқықтары мен бостандықтары, құқықтық жауапкершілік мәселелері, сондай-ақ заңдылықты сақтау мен өзге адамдардың құқықтары мен бостандықтарын құрметтеудің маңызы түсіндірілді.
Ерекше назар бұзылған құқықтарды қорғау тетіктеріне, мемлекеттік құқық қорғау институттарының рөліне, сондай-ақ құқықтық мәдениетті қалыптастыру, азаматтық жауапкершілікті арттыру және өз құқықтары мен міндеттеріне саналы көзқарас қалыптастыру мәселелеріне аударылды.
Кездесу аясында бостандық, әділдік, адам қадір-қасиеті және заң үстемдігі құндылықтарын бейнелейтін «Еркіндік рухы» тұжырымдамасы да талқыланды.
Осындай іс-шараларды өткізу студенттердің құқықтық сауаттылығын арттыруға, адамның негізгі құқықтары мен бостандықтарына құрметпен қарау мәдениетін қалыптастыруға, белсенді азаматтық ұстанымды дамытуға және Адам құқықтары жөніндегі уәкіл институтының жастармен өзара байланысын нығайтуға ықпал етеді.
Әлеуметтік желілерде memleket.kz-ке жазылыңыз
Қазақстанның маңызды жаңалықтары мен пайдалы материалдары — өзіңізге ыңғайлы платформада.
