ШҚО ББ «Örken» Шығыс Қазақстан өңірлік білім беруді ақпараттандыру және дамыту ғылыми-әдістемелік орталығы педагогтердің күзгі каникулдық мектебі аясында 2026 жылғы 28 қазанда Зайсан ауданының психологиялық-педагогикалық түзету кабинетінің базасында «АСБ бар балалармен жұмыс істеу ерекшеліктері» тақырыбында ППТК басшылары мен педагогтеріне, ауданның жалпы білім беру ұйымдарының арнайы педагогтері (дефектологтерге, логопедтерге) мен педагог-ассистенттеріне арналған облыстық семинар-практикумын өткізді.
Іс-шараға Зайсан ауданы әкімінің орынбасары Е.Е. Қорабаев, аудандық білім бөлімі, ауданның «Әділет» партиясының, әлеуметтік қорғау және денсаулық сақтау салаларының өкілдері қатысты.
Семинар аясында Зайсан ауданының ППТК базасында 0-ден 3 жасқа дейінгі балаларға арналған ерте қолдау кабинеті ашылды.
Семинар-практикум барысында аутизм спектрінің бұзылыстары бар балаларды түзете-дамыта қолдау, даму ерекшеліктерін ерте анықтау, ерекше білім беру қажеттіліктерін бағалау, түзету жұмысының практикалық әдістерін қолдану, сондай-ақ мамандар арасындағы ведомствоаралық өзара іс-қимылды ұйымдастыру мәселелері қарастырылды.
Әлеуметтік желілерде memleket.kz-ке жазылыңыз
Қазақстанның маңызды жаңалықтары мен пайдалы материалдары — өзіңізге ыңғайлы платформада.
