1 / 10
Ақтөбе облысы Хромтау ауданының Қопа ауылында 304-ші «Ауыл құтқарушылары» ерікті өртке қарсы құралының ашылу рәсімі өтті. Жаңа өрт сөндіру бекеті жалпы саны 1 228 адам тұратын екі елді мекеннің өрт қауіпсіздігін қамтамасыз етеді.
Ашылу салтанатына Ақтөбе облысы Төтенше жағдайлар департаментінің бастығы Қаһарман Оразалин, Хромтау ауданының әкімі Нұрхан Тлеумұратов, елді мекен тұрғындары және гарнизонның жеке құрамы қатысты. Жергілікті атқарушы органдар қызмет атқаруға қажетті жағдай жасап, жеке құрамның демалуына арналған тұрмыстық бөлмелерді жабдықтады. ТЖМ бекетті қажетті өрт сөндіру техникасымен қамтамасыз етті.
Жаңа нысан оқиға орнына жету уақытын қысқартып, өрттер мен басқа да төтенше жағдайларға жедел әрекет етуге мүмкіндік береді.
