1 / 2
Ақтөбе облысы бойынша Қылмыстық-атқару жүйесі департаментінде медициналық және психологиялық қызмет мамандарының қатысуымен профилактикалық кездесу өтті.
Іс-шараға №2 қалалық емхананың өкілі Нагиметова Жанерке Нұртаевна және психолог-аутрич-маман Жумагалиeв Қайрат Сәдуақасұлы қатысты.
Кездесу барысында мамандар қызметкерлер арасында түсіндіру жұмыстарын жүргізіп, аурулардың алдын алу, физикалық және психологиялық денсаулықты сақтау, сондай-ақ кәсіби мамандардың көмегіне уақтылы жүгінудің маңыздылығына тоқталды.
Мұндай профилактикалық іс-шаралар қызметкерлердің денсаулық мәселелері жөніндегі хабардарлығын арттыруға және өз денсаулығына жауапкершілікпен қарау мәдениетін қалыптастыруға бағытталған.
