Республика күніне орай қызметкерлер арасында атыс сайысы өтті

20 қазан 2026 жылы 25 қазан – Республика күніне орай Ақтөбе облысы бойынша Қылмыстық-атқару жүйесі департаментінің қызметкерлері арасында атыс даярлығы бойынша Макаров тапаншасынан ату сайысы өткізілді.
Сайыстың негізгі мақсаты – қызметкерлердің қызметтік даярлық деңгейін арттыру, атыс қаруын меңгеру шеберлігін жетілдіру, мергендік қабілетін шыңдау және ұжым арасында салауатты бәсекелестікті қалыптастыру.
Жарыс барысында департаменттің ер және әйел қызметкерлері өздерінің атыс даярлығы бойынша шеберліктерін көрсетіп, нысана көздеудегі дәлдік пен жинақылықтарын сынады.
Ерлер арасында жүлделі орындар:
І орын – әділет капитаны Елеуов Саламат Русланович – 72 ұпай;ІІ орын – әділет капитаны Ишанқұлов Нұрдәулет – 61 ұпай;ІІІ орын – әділет аға лейтенанты Самалыков Самат Муханбеткалиулы – 37 ұпай.Әйелдер арасында:
І орын – әділет подполковнигі Ахметова Асель Канашевна – 76 ұпай;ІІ орын – Утенова Айжан – 74 ұпай;ІІІ орын – Актаубаева Алия Сисембаевна – 60 ұпай.
Жарыс қорытындысы бойынша жүлдегерлерге марапаттар табысталды.
Аталған сайыс қызметкерлердің кәсіби даярлығын жетілдіруге, атыс қаруын қауіпсіз әрі шебер қолдану дағдыларын нығайтуға және қызметтік міндеттерді сапалы орындауға қажетті кәсіби қасиеттерді дамытуға бағытталған маңызды іс-шаралардың бірі болды.
Қызметтік шеберлік – кәсібиліктің негізі, ал жоғары даярлық – заң мен тәртіпті қамтамасыз етудің маңызды кепілі.