1 / 4
Исламабад, 2026 жылғы 25 қазан – Қазақстанның Пәкістандағы Елшілігінде дипломатиялық өкілдік қызметкерлері мен олардың отбасы мүшелерінің қатысуымен Республика күніне арналған мерекелік іс-шара өтті.
Іс-шара патриоттық рухты нығайту, ұлттық құндылықтар мен дәстүрлерді дәріптеу мақсатында ұйымдастырылды.
Мерекелік бағдарлама патриоттық флешмобпен басталды. Іс-шара барысында жас қатысушыларға ерекше көңіл бөлінді. Атап айтқанда, Қазақстанға арналған балалар суреттерінің көрмесі ұйымдастырылып, шығармашылық байқаулар мен спорттық эстафеталарды қамтитын ойын-сауық бағдарламасы өткізілді.
Аталған іс-шара Республика күнінің Қазақстанның мемлекеттілігі, тәуелсіздігі мен ұлттық бірлігінің символы ретіндегі маңызын тағы бір мәрте айқындауға мүмкіндік берді.
