Сарысу ауданы Төтенше жағдайлар бөлімінің қызметкерлері Жаңатас қаласындағы №16 өрт сөндіру бөлімінде Ш. Уәлиханов атындағы мектеп-гимназиясының оқушыларына арналған «Ашық есік күнін» ұйымдастырды. Іс-шара барысында оқушылар өрт сөндіру бөлімінің күнделікті қызметімен танысып, құтқарушылардың жұмысы туралы ақпарат алды. Сондай-ақ арнайы өрт сөндіру техникасы мен құрал-жабдықтары көрсетіліп, олардың қолданылу тәртібі түсіндірілді. Кездесу кезінде балаларға өрт қауіпсіздігі талаптары, төтенше жағдай кезіндегі дұрыс әрекет ету тәртібі және қауіпсіздік ережелерін сақтау жөнінде пайдалы кеңестер берілді.
Жамбыл облысы ТЖД
