Қосшы қаласында Ақмола облысы прокурорының орынбасары Марат Бақтыбекұлы қала тұрғындарын жеке қабылдады.
Қабылдау барысында тұрғындар өздерін толғандырған мәселелерді көтеріп, тұрғын үй-коммуналдық шаруашылық, құрылыс және өзге де салаларға қатысты сұрақтарын қойды.
Әрбір өтініш бойынша азаматтарға қолданыстағы заңнама талаптары түсіндіріліп, көтерілген мәселелерді шешу жолдары талқыланды.
Қабылдау қорытындысы бойынша Қосшы қаласының прокуратурасы мен жергілікті атқарушы органға азаматтардың өтініштерінде көтерілген мәселелерді жан-жақты зерделеп, оларды шешу бойынша тиісті шаралар қабылдау жөнінде нақты тапсырмалар берілді.
Азаматтардың өтініштерін қарау және берілген тапсырмалардың орындалуы прокуратураның бақылауына алынды.
Ақмола облысының прокуратурасы
