2026 жылғы 6–7 тамыз аралығында Оқу-әдістемелік орталығы Мемлекеттік кірістер комитетінің Арнаулы салық режимдерін әкімшілендіру басқармасымен бірлесіп «Арнаулы салық режимі» тақырыбында қашықтықтан семинар өткізді.
Іс-шараның мақсаты – мемлекеттік кірістер органдарының қызметкерлерін Қазақстан Республикасы жаңа Салық кодексінің жобасында көзделген арнаулы салық режимдерін жетілдірудің негізгі бағыттарымен таныстыру, сондай-ақ негізгі өзгерістер мен оларды практикалық қолдану ерекшеліктерін түсіндіру.
Семинарға тыңдаушы ретінде аумақтық мемлекеттік кірістер органдарының қызметкерлері қатысты.
Тыңдаушылар үшін ZOOM платформасы арқылы дәріс өткізілді. Дәріскер ретінде:
Ахметова Алтынай Қайыржанқызы – ҚР ҚМ МКК Арнаулы салық режимдерін әкімшілендіру басқармасы басшысының орынбасары сөз сөйледі.
Оқыту барысында арнаулы салық режимдерін оңтайландыру, тиімділігі төмен және қайталанатын режимдерді алып тастау, өзін-өзі жұмыспен қамтығандарға арналған жаңа оңайлатылған режимді енгізу, жекелеген арнаулы салық режимдерін біріктіру, сондай-ақ ауыл шаруашылығы өнімдерін өндірушілерге салық салудағы өзгерістер мәселелері қарастырылды.
Спикер енгізіліп жатқан өзгерістердің мақсаттарын жан-жақты түсіндіріп, қатысушылардың сұрақтарына жауап берді және салық заңнамасының жаңа нормаларын қолданудың практикалық аспектілерін талқылады.
Семинар қорытындысы бойынша 175 қатысушыға біліктілікті арттырудан сәтті өткенін растайтын сертификаттар табысталды.
