Түпқараған ауданы полиция бөлімінің профилактикалық кабинетінде отбасы тыныштығын бұзған азаматпен Отбасылық-тұрмыстық зорлық-зомбылыққа қарсы күрес тобының қызметкері Г. Байкуренова профилактикалық сұхбат жүргізді.
Әңгімелесу барысында құқықбұзушылықтың алдын алу, Қазақстан Республикасы заңнамасының талаптарын сақтау, отбасыдағы жанжалдардың алдын алу және тұрмыстық зорлық-зомбылықтың салдары туралы түсіндіру жұмыстары жүргізілді. Сонымен қатар, азаматқа құқыққа қайшы әрекеттердің жауапкершілігі түсіндіріліп, алдағы уақытта заң талаптарын қатаң сақтау қажеттігі ескертілді.
Полиция қызметкерлері отбасылық-тұрмыстық құқықбұзушылықтардың алдын алу, азаматтардың құқықтары мен қауіпсіздігін қамтамасыз ету бағытындағы профилактикалық жұмыстарды тұрақты түрде жалғастыруда.
