Республика көлемінде өткізіліп жатқан «HI-TECH» жедел-профилактикалық іс-шарасы аясында Бейнеу ауданы полиция бөлімінің криминалдық полиция қызметкерлері тұрғындар арасында интернет-алаяқтықтың алдын алу бағытында кең көлемді түсіндіру жұмыстарын жүргізді.
Полицейлер азаматтарға жалған интернет-дүкендерден, өзін банк қызметкері ретінде таныстыратын алаяқтардан, күмәнді сілтемелер мен қосымшалардан сақ болу қажеттігін түсіндірді.
🔹 Жеке және банк деректеріңізді ешкімге бермеңіз;
🔹 SMS арқылы келетін бір реттік кодтарды ешкімге хабарламаңыз;
🔹 Күмәнді қоңыраулар мен хабарламаларға сенбеңіз.
Іс-шара барысында тұрғындарға ақпараттық жадынамалар таратылып, қойылған сұрақтарға жан-жақты жауап берілді.
Сақ болыңыз! Интернет-алаяқтардың құрбанына айналмаңыз!
Бейнеу ауданы полиция бөлімі
