Қазақстан Республикасы Мемлекеттік қызмет істері агенттігінің Маңғыстау облысы бойынша департаментінің тапсырмасына сәйкес Мәдениет, тілдерді дамыту және архив ісі басқармасында сыбайлас жемқорлықтың алдын алу және оған қарсы іс-қимыл мәселелері бойынша қызметкерлердің қатысуымен жиын өткізілді.
Жиын барысында мемлекеттік қызметшілердің Әдеп кодексінің талаптарын сақтау, қызметтік міндеттерді адал әрі жауапкершілікпен орындау, сыбайлас жемқорлық құқық бұзушылықтарының алдын алу, сондай-ақ қолданыстағы заңнама талаптарын қатаң сақтау мәселелері жан-жақты талқыланды.
Жиын қорытындысында қызметкерлерге сыбайлас жемқорлыққа қарсы заңнама талаптарын қатаң сақтау қажеттігі ескертіліп, қоғамда сыбайлас жемқорлыққа мүлдем төзбеушілік мәдениетін қалыптастыру – әрбір мемлекеттік қызметшінің басты міндеттерінің бірі екендігі атап өтілді.
