Астана қаласы ТЖД Өнеркәсіптік қауіпсіздік басқармасының инспекторлары тиісті салада қызмет атқару үшін лицензия алуға өтінім берген кәсіпорында тексеру жүргізді. Мамандар ұйымның біліктілік талаптарына сәйкестігін бағалап, материалдық-техникалық базасы мен кадрлық әлеуетінің деңгейін зерделеді.
Аталған компания көтергіш механизмдерді монтаждаумен, диагностикалаумен, жөндеумен және техникалық қызмет көрсетумен қатар, отандық «NOMAD» лифтілерін шығаруды қолға алған. Бұл шаралар өндірістік үдерістердің қауіпсіздік талаптарына толық сай болуын қамтамасыз етуге және болашақта орын алуы мүмкін жазатайым оқиғалардың алдын алуға бағытталған.
