Қазақстан Республикасы Төтенше жағдайлар министрлігінің Өнеркәсіптік қауіпсіздік комитеті

Өнеркәсіптік қауіпсіздік саласындағы заңнамамен өнеркәсіптік қауіпсіздік саласындағы жұмыстарды жүргізу құқығына бұрын берілген аттестатты қайта ресімдеу рәсімі белгіленбеген. Қазақстан Республикасының Азаматтық кодексіне сәйкес заңды тұлға атауының өзгеруі қайта ұйымдастыру деп танылмайды және заңды тұлғаның құқықтары мен міндеттерінің өзгеруіне әкеп соқпайды. Осылайша, атауы өзгергенге дейін заңды тұлғаға берілген өнеркәсіптік қауіпсіздік саласындағы жұмыстарды жүргізу құқығына арналған аттестат атауы өзгергеннен кейін де, атауының өзгеруіне байланысты заңды тұлғаның мемлекеттік тіркелгенін (қайта тіркелгенін) растайтын құжатты қоса бере отырып қолданылады.

Өнеркәсіптік қауіпсіздік саласындағы заңнамада көзделген өнеркәсіптік қауіпсіздік саласындағы мамандарды, жұмыскерлерді даярлау, қайта даярлау өнеркәсіптік қауіпсіздік талаптарын білу деңгейін қолдау мақсатында жүргізіледі және Заңда және өнеркәсіптік қауіпсіздік саласындағы құқықтық актілерде белгіленген өнеркәсіптік қауіпсіздік талаптары көлемінде жүзеге асырылады. "Азаматтық қорғау туралы" Қазақстан Республикасы Заңының 79-бабы қауіпті өндірістік объектілердің және өнеркәсіптік қауіпсіздік мәселелері жөніндегі өзге де ұйымдардың мамандарын, жұмыскерлерін даярлау, қайта даярлау тәртібін айқындайды, өнеркәсіптік қауіпсіздік саласында даярлануға жататын адамдарды және қайта даярлауды талап ететін жағдайларды айқындайды. "Азаматтық қорғау туралы" Қазақстан Республикасының Заңы кәсіптік даярлау және қайта даярлау тәртібін белгілемейді, сол сияқты даярлау рәсіміне және кәсіптік қызметке дайындығын айқындауға қойылатын талаптарды белгілемейді. Қазақстан Республикасының Еңбек кодексіне сәйкес ұйымның жұмыс істеуі мен дамуы үшін кәсіптік даярлаудың, қайта даярлаудың және біліктілікті арттырудың қажеттілігі мен көлемін жұмыс беруші айқындайды. "Білім туралы" Қазақстан Республикасының Заңына сәйкес кәсіптік даярлау білім алушылардың белгілі бір жұмыс түрін орындау үшін қажетті жаңа немесе өзгертілген кәсіптік дағдыларды жедел меңгеруіне бағытталған. Кәсіптік даярлықтың нысанын, мазмұны мен көлемін жұмыс беруші тиісті кәсіп бойынша қолданыстағы білім беретін оқу бағдарламаларының негізінде айқындайды. Осылайша, кәсіптік қызмет саласында кадрлар даярлау және біліктілік беру мәселелері, оның ішінде білім беру бағдарламалары бойынша даярлау және қайта даярлау мәселелері өнеркәсіптік қауіпсіздік саласындағы жұмыс түрлеріне жатпайды, сондықтан өнеркәсіптік қауіпсіздік саласындағы заңнамамен реттелмейді.

Жабдықты пайдалануға рұқсат алу қажеттілігінің жоқтығы туралы осындай негіздемені алу талап етілмейді. Тендерге қатысатын жабдықты (техникалық құрылғылар, материалдар, өлшеу құралдары, жеке қорғану құралдары, кабельдік өнім және т.б.) қауіпті өндірістік объектілерде қолдануға рұқсат алу қажеттілігінің болмауы үшін негіз болып табылады.) "азаматтық қорғау туралы" Қазақстан Республикасы Заңының 74-бабының нормалары болып табылады, оған сәйкес қауіпті өндірістік объектілерде қолдануға рұқсат тек технологияларға және қауіпті техникалық құрылғыларға беріледі. Осыған байланысты, қолданыстағы заңнама нормалары туралы қызметтерге Тапсырыс берушілермен түсіндіру жұмыстарын жүргізу қажет.

"Азаматтық қорғау туралы" Қазақстан Республикасы Заңының 76-бабына сәйкес декларацияны әзірлеуді қауіпті өндірістік объектіні пайдаланатын ұйым дербес жүзеге асырады.

"Азаматтық қорғау туралы" Қазақстан Республикасы Заңының 74-бабына сәйкес қауіпті өндірістік объектілерде технологияларды, қауіпті техникалық құрылғыларды қолдануға рұқсаттар Қазақстан Республикасының аумағында барлық нарық субъектілері үшін қолданылады және оларды қайта алу талап етілмейді.

Өнеркәсіптік қауіпсіздік саласындағы заңнамаға сәйкес қауіпті өндірістік объектілерде техникалық құрылғыларды, материалдарды, өлшеу құралдарын, жеке қорғаныс құралдарын, кабельдік өнімді, оның ішінде жарылыстан қорғалып орындалған және т.б. қолдануға рұқсат алу талап етілмейді. "Азаматтық қорғау туралы" Қазақстан Республикасы Заңының 74-бабына сәйкес қауіпті өндірістік объектілерде қолдануға рұқсат тек технологиялар мен қауіпті техникалық құрылғыларға ғана беріледі.