Талдықорғанда «Таза Қазақстан» жалпыұлттық акциясы аясында қоршаған ортаны қорғау, табиғи ресурстарды сақтау және су көздерінің тазалығын қамтамасыз ету мақсатында «Таза су – таза болашақ» атты экологиялық акция ұйымдастырылды. Іс-шараның басты мақсаты – қоғам назарын су ресурстарын қорғау мәселесіне аудару, экологиялық мәдениетті қалыптастыру және табиғатқа ұқыпты көзқарасты насихаттау.
Акция барысында қатысушылар су айдындары мен олардың маңындағы аумақтарды тұрмыстық қалдықтардан тазартып, қоршаған ортаның тазалығын сақтауға өз үлестерін қосты. Сонымен қатар тұрғындар арасында су ресурстарын тиімді пайдалану, табиғатты ластамау және экологиялық жауапкершілікті арттыру бағытында түсіндіру жұмыстары жүргізілді.
Мұндай экологиялық бастамалар қоғамда табиғатқа деген жауапкершілікті арттырып, экологиялық мәдениеттің қалыптасуына ықпал етеді. Қатысушылардың пікірінше, қоршаған ортаны қорғау – әрбір азаматтың ортақ міндеті. Шара соңында ұйымдастырушылар мұндай игі бастамалардың алдағы уақытта да тұрақты түрде жалғасатынын атап өтті.
