Павлодарда қоян-қолтық ұрыстан облыстық турнир өтті

    1 / 8

    Павлодар қаласында Қазақстан Республикасы Тәуелсіздігінің 35 жылдығына арналған қоян-қолтық ұрыстан облыстық турнир өтті. Жарысты Павлодар облысының Төтенше жағдайлар департаменті ұйымдастырды.

    Спорт алаңында өңірдің күштік құрылымдары мен құқық қорғау органдарының өкілдері бас қосты. Үздік атану жолында 9 команда бақ сынап, олардың құрамында 74 қызметкер өнер көрсетті. Жарыстар сегіз салмақ дәрежесі бойынша өтті.

    Қатысушылар жоғары физикалық дайындықтарын, жауынгерлік шеберліктерін, төзімділіктері мен жеңіске деген жігерлерін көрсетті. Жекпе-жектер тартысты жағдайда өтіп, әрбір спортшы үздік нәтижеге қол жеткізуге бар күшін салды.

    Жарыс қорытындысы бойынша жалпыкомандалық есепте орындар төмендегідей бөлінді:

    I орын — Павлодар облысының Төтенше жағдайлар департаментінің командасы;

    II орын — Павлодар облысының Полиция департаментінің командасы;

    III орын — Павлодар облысы бойынша ҰҚК Шекара қызметінің командасы.

    Сонымен қатар «Турнирдің үздік жауынгері», «Үздік техника» және «Турнирдің үздік жекпе-жегі» арнайы номинациялары бойынша жеңімпаздар марапатталды.

    Мұндай жарыстарды өткізу спорт пен салауатты өмір салтын насихаттауға, күштік құрылымдар өкілдері арасындағы достық қарым-қатынасты нығайтуға, сондай-ақ патриотизм мен командалық рухты дамытуға ықпал етеді.

    Ұйымдастырушылар жеңімпаздар мен жүлдегерлерді құттықтап, барлық қатысушыларға жаңа спорттық жетістіктер, қызметте табыс және алдағы уақытта толағай жеңістер тіледі.

    Әлеуметтік желілерде memleket.kz-ке жазылыңыз

    Қазақстанның маңызды жаңалықтары мен пайдалы материалдары — өзіңізге ыңғайлы платформада.

    Ұқсас материалдар

    "Павлодар облысының Төтенше жағдайлар департаменті" жаңалықтары