Қаржы нарығын реттеу және дамыту агенттігі Төрағасының бірінші орынбасары Тимур Әбілқасымов Қазақстан қаржыгерлерінің конгресі аясында өткен «Қазақстан Республикасының қаржы нарығы: бәсекелестік, жаңа бизнес-модельдер және инновациялар» сессиясына қатысты. Пікірталасқа сондай-ақ Ұлттық Банк пен екінші деңгейдегі банктердің басшылары қатысты.
Талқылау барысында қатысушылар реттеушілерді дамытатын және енгізетін, оның ішінде ақпарат жинау үшін цифрлық инфрақұрылымды және талдамалық құралдарды дамытуға тоқталды. Тимур Әбілқасымов қаржы ұйымдарынан артық жүктемені азайту үшін FinAi қадағалау платформасын енгізу арқылы есептілікті жинауды автоматтандырудың тиімділігі туралы айтып берді.
«Біздің FinAi бірыңғай қадағалау платформасы енгізілгеннен бастап екінші деңгейдегі банктерге сұраныстардың саны айтарлықтай қысқарды. Біз көптеген осындай бөлшектелген деректерді жинауды тоқтаттық. Деректер витринасын құру үшін біз шетелдік реттеушілермен, оның ішінде Австриямен, Ресеймен талқылау жүргіздік. Біз құрылымның нарыққа қатысушылар үшін аса ірі және қымбат болмауына ұмтылдық», - деп атап өтті Агенттік Төрағасының Бірінші орынбасары.
Ұлттық Банктің «Деректер фабрикасына» ерекше назар аударылды. Тимур Әбілқасымов қадағалау үшін қажетті деректерді алу уақытын қысқарту және сонымен бір мезгілде олардың сапасын арттыру маңызды мәнге ие екенін атап өтті. Агенттік деректермен жұмыс істеудің меншікті инфрақұрылымын, соның ішінде кредиттік бюромен және кредиттік тіркеліммен өзара іс-қимыл жасау үшін дамытуда. Кредиттік тіркелім деректерін жедел талдау үшін, соның ішінде қаржылық тұрақтылықты бағалау үшін AI-ассистент енгізілді.
Тимур Әбілқасымов технологиялық компаниялардың қаржы нарығына шығу перспективаларына жеке тоқталып өтті, бірқатар компаниялармен, соның ішінде телеком-операторлармен консультациялар өткізілді. Банктер туралы жаңа заң шеңберінде Агенттік базалық банк лицензиясын енгізді, ол оңайлатылған қадағалауды көздейді және жаңа ойыншыларға операциялардың шектеулі жиынтығын жүргізуге құқық береді.
Агенттік Төрағасының бірінші орынбасары инновацияларды дамыту тұтынушылардың құқықтарын қорғау деңгейінің төмендеуімен қатар жүрмеуге және қаржылық тұрақтылыққа тәуекелдер тудырмауға тиіс екенін атап өтті.
Сыртқы коммуникациялар басқармасы
Әлеуметтік желілерде memleket.kz-ке жазылыңыз
Қазақстанның маңызды жаңалықтары мен пайдалы материалдары — өзіңізге ыңғайлы платформада.
