Вадуц , 9 қараша– Қазақстан Республикасының Швейцария Конфедерациясы мен Лихтенштейн Князьдігіндегі Елшісі Қайрат Саржанов Князьдіктің Қаржылық барлау бөлімшесінің директоры Бианка Хеннигпен кездесті .
Кездесу барысында Елші Қазақстан Республикасының Президенті Қасым - Жомарт Тоқаевтың Қазақстан халқына « Жаңа тарихи кезеңдегі Қазақстанның өзекті міндеттері » атты Жолдауының негізгі ережелерін таныстырып , экономиканы цифрлық трансформациялауға , жасанды интеллект технологияларын кеңінен енгізуге , мемлекеттік басқарудың тиімділігін арттыруға және қаржылық процестердің ашықтығына баса назар аударды .
Өз кезегінде , Бианка Хенниг Қазақстан тарапымен байланыстарды нығайтуға мүдделілік білдірді . Тараптар қылмыстық жолмен алынған кірістерді жылыстатуға , терроризмді қаржыландыруға және өзге де қаржылық қылмыстарға қарсы іс - қимыл саласындағы ынтымақтастықтың перспективаларын , соның ішінде тәжірибе алмасу және бейінді ведомстволар арасында тікелей байланыстарды дамыту мәселелерін талқылады .
Лихтенштейннің қаржылық барлау делегациясының Астанаға алдағы сапарына дайындық мәселелеріне ерекше назар аударылды . Бұл сапар өзара іс - қимылдың нақты бағыттарын айқындау және екі елдің қаржылық қауіпсіздік саласындағы практикалық ынтымақтастығын нығайту жолындағы маңызды қадам болмақ .
Әлеуметтік желілерде memleket.kz-ке жазылыңыз
Қазақстанның маңызды жаңалықтары мен пайдалы материалдары — өзіңізге ыңғайлы платформада.
