2026 жылғы 6 қарашада Атырау облысы Әділет департаментінің Зияткерлік меншік құқығы бөлімінің ұйымдастыруымен Атырау облысы Кәсіпкерлер палатасы «Атамекенмен» бірлесіп дөңгелек үстел өткізді.
Іс-шараға филармония, театр, мейрамхана, кафе, қонақүй, сауда орталықтарының өкілдері, сондай-ақ өз қызметінде музыкалық шығармаларды пайдаланатын өзге де кәсіпкерлік субъектілері қатысты.
Іс-шараның негізгі мақсаты – авторлық құқықтарды ұжымдық басқарудың Бірыңғай цифрлық платформасын (БЦП) енгізудің үшінші кезеңі аясында кәсіпкерлер арасында алдын ала ақпараттық-түсіндіру жұмыстарын жүргізу.
Жиында Атырау облысы Әділет департаменті басшысының міндетін атқарушы М.А. Музатова кіріспе сөз сөйлеп, авторлық және сабақтас құқықтардың маңыздылығын, сондай-ақ құқықтарды ұжымдық басқару ұйымдары қызметіндегі ашықтық пен тиімділікті арттыру қажеттігін атап өтті.
Сонымен қатар, іс-шараға Қазақстан Республикасы Әділет министрлігі Зияткерлік меншік құқығы комитетіне қарасты «Ұлттық зияткерлік меншік институты» РМК директорының орынбасары Л.Р. Өтешева және аға заңгер А. Ғабдуллина қатысты.
Әлеуметтік желілерде memleket.kz-ке жазылыңыз
Қазақстанның маңызды жаңалықтары мен пайдалы материалдары — өзіңізге ыңғайлы платформада.
