Қоғамдық қауіпсіздік басқармасының Отбасылық-тұрмыстық зорлық-зомбылыққа қарсы күрес бөлімінің қызметкерлері Жамбыл ауданының полиция басқармасы қызметкерлерімен әдістемелік сабақ өткізді.
Сабақ барысында қызметкерлерге заңнама нормаларын қолдану бойынша әдістемелік көмек көрсетіліп, отбасылық-тұрмыстық зорлық-зомбылықтан зардап шеккендерге және өмірлік қиын жағдайға тап болған адамдарға көмек көрсету алгоритмі түсіндірілді. Жамбыл аудандық жұмыспен қамту және әлеуметтік бағдарламалар бөлімі ММ-нің «Отбасын қолдау орталығы» КММ-нің маманы fsm.social бағдарламасы туралы толыққанды түсіндірді.
Отбасылық-тұрмыстық қатынастар саласындағы қылмыстарға жол бермеу мақсатында шартты түрде мерзімінен бұрын босатылғандар санаты бойынша есепте тұрған адамдармен профилактикалық сабақ өткізілді. Оларға отбасылық-тұрмыстық зорлық-зомбылық жасағаны үшін көзделген жауапкершілік, сондай-ақ отбасылық жанжалдар туындаған немесе өмірлік қиын жағдайға тап болған кезде психологиялық, әлеуметтік және құқықтық көмек алу үшін Отбасын қолдау орталығына жүгіну мүмкіндігі түсіндірілді
Әлеуметтік желілерде memleket.kz-ке жазылыңыз
Қазақстанның маңызды жаңалықтары мен пайдалы материалдары — өзіңізге ыңғайлы платформада.
