Алматы, 2026 жылғы 4 қараша – Қазақстан Республикасы Сыртқы істер министрлігінің Ерекше тапсырмалар жөніндегі елшісі – Алматы қаласындағы ҚР СІМ Өкілдік басшысы, Жәнібек Әбдрашов, Қазақстанның Еуропалық бизнес-қауымдастығының (EUROBAK) жыл сайынғы «EUROBAK Award Ceremony 2027» іс-шарасына қатысып, сөз сөйледі. Өз сөзінде Өкілдік басшысы қауымдастықтың бизнес, Үкімет және дипломатиялық қоғамдастық арасындағы диалогты дамытуға, сондай-ақ қолайлы инвестициялық климат құруға қосқан үлесін атап өтті. Ж. Әбдрашов Қазақстан мен Еуропалық Одақ арасындағы экономикалық әріптестікті кеңейту және бірлескен жобаларды іске асыру үшін жасалып жатқан мүмкіндіктердің маңыздылығын атап өтті.
Әлеуметтік желілерде memleket.kz-ке жазылыңыз
Қазақстанның маңызды жаңалықтары мен пайдалы материалдары — өзіңізге ыңғайлы платформада.
