2026 жылғы 5 қарашада Қазақстан Республикасы Еңбек және халықты әлеуметтік қорғау министрлігі Халықты әлеуметтік қорғау саласындағы реттеу және бақылау комитетінің Шығыс Қазақстан облысы бойынша департаментінің басшысы Н.В. Литке мен «Мемлекеттік аннуитеттік компания» өкілдерінің қатысуымен семинар-кеңес өткізілді.
Кездесудің негізгі тақырыбы зейнетақымен қамсыздандыру, зейнетақы аннуитеті және азаматтардың әлеуметтік құқықтарын қорғау мәселелеріне арналды.
Семинар барысында зейнетақы аннуитеттік төлемдерінің ерекшеліктері, әлеуметтік кепілдіктерді қамтамасыз ету тетіктері, сондай-ақ халықтың зейнетақы жүйесінің мүмкіндіктері туралы хабардарлығын арттыру мәселелері талқыланды.
Ведомствоаралық өзара іс-қимылды нығайтуға, азаматтарға олардың құқықтарын уақтылы түсіндіруге және консультациялық жұмыстың сапасын арттыруға ерекше назар аударылды.
🤝 Осындай кездесулер мемлекеттік органдар мен ұйымдар арасындағы ынтымақтастықты нығайтуға, заңнаманы түсіндіруде бірыңғай тәсіл қалыптастыруға және азаматтардың заңды мүдделерін қорғауға ықпал етеді.
Заң мен тәртіп – азаматтардың әлеуметтік құқықтарын қорғаудың негізі!
#ЗаңМенТәртіп #ӘлеуметтікҚорғау #ЗейнетақыменҚамсыздандыру #ЗейнетақыАннуитеті #ШҚО #ШығысҚазақстан #ЕңбекМинистрлігі
Әлеуметтік желілерде memleket.kz-ке жазылыңыз
Қазақстанның маңызды жаңалықтары мен пайдалы материалдары — өзіңізге ыңғайлы платформада.
