Сандықтау ауданы әкімінің орынбасары Сәуле Жайылғанова аудан әкімінің мүгедектігі бар адамдармен жұмыс жөніндегі жаңа кеңесшісі Иван Строкуленконы таныстырды.
Кездесу барысында Иван Строкуленко қатысушыларды өз бағдарламасымен таныстырып, алдағы жұмыстың негізгі бағыттары мен мүгедектігі бар адамдарды қолдауға және олардың ауданның қоғамдық өміріне қатысуын кеңейтуге бағытталған бастамаларды атап өтті.
Ашық диалог форматында өткен кездесуде қатысушылар арнаулы әлеуметтік жәрдемақылар тағайындау, инклюзивті білім беруді дамыту, сондай-ақ оқуды насихаттауға бағытталған «Оқитын ұлт» акциясын іске асыру мәселелерін талқылады.
Дөңгелек үстел қорытындысы бойынша күш біріктіру және мүгедектігі бар адамдарды қоғамдық өмірге белсенді тарту қажеттілігіне ерекше назар аударылды. Аудан әкімінің кеңесшісімен бірлесіп жұмыс істейтін белсенді топ құру жоспарлануда. Бұл топ параспорттық жарыстарды, мәдени-көпшілік іс-шараларды және басқа да қоғамдық бастамаларды ұйымдастыру мен өткізуге қатысады.
Аталған жұмыстың басты мақсаты — тең мүмкіндіктер жасау, әр адамның әлеуетін ашуға жағдай туғызу және мүгедектігі бар адамдардың қоғам өміріне толыққанды қатысуын қамтамасыз ету. Әр адамның пікірі ескеріліп, бастамалары қолдау тауып, нақты істерге ұласуы маңызды.
