UWW Senior World Wrestling Championships: елордалық полиция күрес чемпионатында профилактикалық акция өткізді

Елордада UWW Senior World Wrestling Championships күрестен әлем чемпионаты аясында елордалық полицейлер ҚР ІІМ-нің Есірткі қылмыстарына қарсы іс-қимыл комитетімен бірлесіп, жастар арасында есірткіге деген тұрақты қарсылық көзқарасын қалыптастыруға және салауатты өмір салтын насихаттауға бағытталған ауқымды профилактикалық акция өткізді.
Чемпионатқа әлемнің 135 елінен 900-ге жуық қатысушы жиналды. Халықаралық спорт алаңы үздік балуандардың басын қосып қана қоймай, адамдарды денсаулық, тәртіп және заңға бағыну құндылықтары төңірегінде біріктіретін маңызды бастамаларды ілгерілетуге мүмкіндік берді.
Халықаралық чемпионатқа қатысушылар мен қонақтардың қоғамдық тәртібі мен қауіпсіздігін қамтамасыз етумен қатар, елордалық полиция есірткі қаупіне қарсы бағытталған маңызды профилактикалық жұмыстар жүргізуде. Бұқаралық спорттық іс-шаралар азаматтардың қауіпсіздігін қамтамасыз етіп қана қоймай, салауатты өмір салты мен есірткіге байланысты құқық бұзушылықтардың алдын алу мәселелеріне қалың жұртшылықтың назарын аударуға мүмкіндік береді.
Акция барысында полицейлер профилактикалық әңгімелер өткізіп, ақпараттық парақшалар таратты, жарысқа қатысушылармен және қонақтармен пікір алмасты. Жалпы, іс-шара қазақстандық жастар арасындағы спорттың осы түріне қызығушылық танытатын 7 мыңнан астам адамды қамтыды.
Бастамаға Олимпиада чемпиондары Юрий Мельниченко мен Армен Назарян ерекше қолдау көрсетті. Танымал спортшылар акцияға қатысып, жастарды спортпен шұғылдануға, белсенді өмір салтын ұстануға және есірткіге жол бермеуге шақырды.
Акцияның негізгі мақсаты – спорттың тек жетістіктер мен жеңістерге жетудің жолы ғана емес, сонымен қатар есірткіге байланысты құқық бұзушылықтардың алдын алудың маңызды құралы екенін көрсету.
Есірткіге байланысты құқық бұзушылықтардың алдын алу жұмыстары кең аудиторияны қамтып, осы мәселеге назар аударуға мүмкіндік беретін ортада жүргізілуі тиіс. Халықаралық жарыстар, спорттық турнирлер мен бұқаралық іс-шаралар маңызды үндеулерді мыңдаған адамға жеткізуге, спортшыларды, қоғам қайраткерлері мен жастарды осы жұмысқа тартуға мүмкіндік береді.
Мұндай бастамалар қоғамды ортақ мақсат төңірегінде біріктіреді. Ол – салауатты өмір салты мәдениетін қалыптастыру, есірткі қаупінің алдын алу және жауапкершілігі жоғары ұрпақ тәрбиелеу.