Н.Байғанин атындағы аудандық мәдениет үйінде 25 қазан – Республика күніне орай «Қыран елім – Қазақстаным» салтанатты шара концерт өтті.
Шара барысында көрермендер назарына егемендіктің маңызын айқындайтын театрландырылған әдеби-музыкалық-хореографиялық композиция ұсынылды.
Аудан әкімі А.Жақсылықов құттықтау сөз сөйлеп, жиналған қауымды ұлттық мерекемен құттықтады.
«Құрметті жерлестер! Баршаңызды Республика күнімен шын жүректен құттықтаймын! Бұл – еліміздің егемендігін айшықтайтын, бірлігіміз бен ынтымағымызды нығайтатын ұлық мереке. Тәуелсіздігіміз тұғырлы, еліміз аман, жұртымыз тыныш болсын! Әр шаңыраққа бақ-береке, молшылық пен қуаныш тілеймін. Еліміздің мерейі үстем, Қазақстанымыздың болашағы жарқын болсын!» – деді аудан әкімі.
Сондай-ақ аудан басшысы мерекелік шара аясында бірқатар азаматтарды елеулі еңбегі мен ауданның әлеуметтік-экономикалық және мәдени дамуына қосқан үлесі үшін марапаттады.
Республика күні – ұлттық бірегейлігімізді нығайтып, елдік құндылықтарымызды ұлықтайтын маңызды мереке.
