ҚР ІІМ Қылмыстық-атқару жүйесі комитетінің барынша жоғары қауіпсіздік мекемесі — №16 мекемесіне мониторингтік бару жүргіздім.
Бару барысында сотталған адамдарды ұстау жағдайларымен, қауіпсіздікті қамтамасыз етумен, санитариялық-тұрмыстық жағдайлармен, тамақтандыруды ұйымдастырумен, медициналық қызмет көрсетумен, еңбек және демалыс жағдайларымен таныстым.
Қазіргі уақытта мекемеде шатыр жабындысын ауыстыру, жылыту радиаторларын орнату, жасақтардағы үй-жайларды жөндеу бойынша ауқымды жөндеу жұмыстары жүргізілуде. Сондай-ақ клуб ғимараты мен ескі моншаны бұзу, жылу желілерін жерүсті орналастыруға көшіру және сумен және жылумен жабдықтау схемасын қайта қарау жоспарлануда.
P.S.
Қазақстан Республикасындағы қылмыстық-атқару жүйесінің (ҚАЖ) барынша жоғары қауіпсіздік мекемелерінде ауыр және аса ауыр қылмыстар жасаған, сондай-ақ қылмыстарды қайталап жасаған адамдарға бас бостандығынан айыру түріндегі жазалар орындалады.
Режим және қауіпсіздік: Құқықтық тәртіпті сақтау, жазаны өтеудің белгіленген тәртібін бұзудың жолын кесу.
Еңбек және оқыту: Қауіпсіздік режимінің талаптарын ескере отырып, сотталғандарды ақылы еңбекке және кәсіптік оқытуға тарту.
Тәрбие жұмысы: Жазасын өтеп жатқан адамдарды түзеуге және әлеуметтендіруге бағытталған әлеуметтік-психологиялық жұмыстарды жүргізу.
