Қазақстан Республикасындағы Адам құқықтары жөніндегі уәкіл жанындағы «Еркіндік рухы» Жастар қанатының мүшесі Әлибеков А.А. Шығыс Қазақстан облысының техникалық және кәсіптік білім беру педагогтерінің «Адами капиталды дамыту – техникалық және кәсіптік білім беру жүйесінің стратегиялық негізі» тақырыбындағы кеңесіне қатысты.
Іс-шара барысында қатысушылар 2026–2027 оқу жылына арналған өңірлік білім беру жүйесінің стратегиялық басымдықтарын, сондай-ақ техникалық және кәсіптік білім беруді дамытудың негізгі бағыттарын талқылады.
Конституциялық құндылықтарға негізделген сапалы білім мен біртұтас тәрбие жүйесін дамытуға, заманауи технологияларды білім беру процесіне тиімді енгізуге, сондай-ақ қауіпсіз әрі қолайлы білім беру ортасын қалыптастыруға ерекше назар аударылды.
Кеңес пленарлық отырыстан және төрт секцияның жұмысынан тұрды. Оның аясында техникалық және кәсіптік білім беру жүйесін дамытудың өзекті мәселелері мен перспективалары қарастырылды.
