ОтырысЖақында
"Әскер тарланы" жылсайын өтетін әскери мамандар байқауы
"Әскер тарланы" жылсайын өтетін әскери мамандар байқауы
Қазақстан Республикасы Қорғаныс министрлігі
Министерство осуществляет государственную политику в области обороны, военно-политическое и военно-экономическое управление Вооруженными Силами Республики Казахстан, а также уполномоченным органом в сфере государственной авиации.
Министрлік туралы
Министрлік қорғаныс саласындағы мемлекеттік саясатты, Қазақстан Республикасының Қарулы Күштерін əскери-саяси жəне əскери-экономикалық басқаруды жүзеге асыратын орталық атқарушы орган, сондай-ақ мемлекеттік авиация саласындағы уəкілетті орган болып табылады.
Жаңалықтар
Ашу
Танк тізгіндеген 22 жыл: әскери кафедра курсанттары ардагермен кездесті
Ашу
Маңғыстаудағы «Оймаша» полигонында теңіз жаяу әскерлері штаттық атыс жүргізді
Ашу
Оралда Қорғаныс министрлігінің патриоттық акциясына 2 мыңға жуық адам қатысты
Ашу
Танк әскерлері күні: Қазақстан Қарулы күштерінде экипаждардың даярлығы заманауи ұрыс жағдайларына сай жетілдірілуде
Ашу
Әскери қызметшілер арасында күрестен әлем чемпионатында қазақстандықтар 12 медаль жеңіп алды
Ашу
Төрт жүзден астам секіру: Алматы облысында елдің үздік парашютшілері анықталды
Оқиғалар
ОтырысЖақында
"Жас сарбаз" әскери-патриоттық өлеңінің байқауы
"Жас сарбаз" әскери-патриоттық өлеңінің байқауы
ОтырысЭфирде
"Батыл Тойтарыс" әскери оқу-жаттығуы
"Батыл Тойтарыс" әскери оқу-жаттығуы
ОтырысАяқталды
"Айбын" әскери-патриоттық жастар жиыны
Қазақстан Республикасы Тәуелсіздігінің 35 жылдығына арналған "Айбын" әскери-патриоттық жастар жиыны
ОтырысАяқталды
Қазақ күресінен әлем чемпионаты: Астана 25 елдің жауынгер-әскери қызметшілерін қарсы алады
Елордада әскери қызметшілер арасында Халықаралық әскери спорт кеңесінің (Conseil International du Sport Militaire) қолдауымен қазақ күресінен I-ші әлем чемпионаты өтеді. Біріншіліктің ашылуы 14 тамызда Qazaqstan жеңілатлетикалық спорт кешенінің базасында өтеді. CISM турнирінің ұйымдастырушылары – ҚР Қорғаныс министрлігінің Спорт комитеті, ҚР Туризм және спорт министрлігі және Астана қаласы әкімдігінің қолдауымен Qazaq Kuresi қауымдастығы. Әскери қызметшілер арасында қазақ күресінен өтетін I-ші әлем чемпионатында әлемнің 25 армиясының балуандары бағын сынайды. Қазақстанның намысын Қарулы күштер мен Мемлекеттік күзет қызметі құрамының мықты спортшылары қорғайды. Жекпе-жек ерлер арасында (55 келі, 60 келі, 66 келі, 74 келі, 82 келі, 90 келі, 100 келіге дейін және одан жоғары) және әйелдер арасында (48 келі, 52 келі, 56 келі, 60 келі, 65 келі, 70 келі, 77 келіге дейін және одан жоғары) 16 салмақ дәрежесі бойынша өтеді. Қазақстан өткен жылдың мамыр айында Танзаниядағы Сonseil International du Sport Militaire 79-шы Бас ассамблеясында және конгресінде жекпе-жектің ең көне түрінің тұсаукесерінен кейін әскери қызметшілер арасында қазақ күресінен I-ші әлем чемпионатын өткізу құқығына ие болды. Әлем чемпионаты Кеңес Одағының Батыры Әлия Молдағұлованың 100 жылдығына орайластырылған. Іс-шара аясында отандасымыздың өмірі мен ерлігіне байланысты бірегей құжаттар, фотосуреттер және артефактілер қойылатын тақырыптық көрме өтеді. Бұдан басқа, спорт форумының қонақтары қазақ мәдениетінің атмосферасымен таныса алады, яғни аренаның жанында киіз үйлер, ұлттық жәдігерлер мен дәстүрлі өнер үлгілері орнатылады. Естеріңізге сала кетсек, Conseil International du Sport Militaire – Халықаралық Олимпиада комитетінен кейінгі екінші маңызды спорттық ұйым. Ол 140-қа жуық ел қарулы күштері өкілдерінің басын қосады. Чемпионатты сәтті өткізу отандық күрес тарихында бетбұрыс жасауға ықпал етеді деп күтілуде, өйткені CISM қазақ күресін әлемдік армия турнирлерінің жыл сайынғы бағдарламасына, одан бөлек 2027 жылы АҚШ-та өтетін дүниежүзілік әскери ойындарға қосу мүмкіндігін қарастыруда.
ОтырысАяқталды
"Айбын-2025" жастардың әскери-патриоттық жиыны
"Айбын-2025" Әскери-патриоттық жиын Кеңес Одағының Батыры Әлия Молдағұлованың 100 жылдығына және 1941-1945 жылдардағы Ұлы Отан соғысындағы Жеңістің 80 жылдығына орай 22-28 маусым аралығында Кеңес Одағының екі мәрте Батыры Талғат Бигелдинов атындағы Әуе қорғаныс күштері Әскери институтында өткізіледі
Сұрақ-жауап
Сұрақ
Мен келісімшарт бойынша әскери қызметке кіре алам ба?
Жауап
Егер белгіленген талаптарға сәйкес келсеңіз, Сіз келісімшарт бойынша әскери қызметке кіре аласыз. 1. Кіру үшін негізгі талаптар: 1. Азаматтығы және жасы · Қазақстан Республикасының азаматы; · 19 жастан бастап нақты әскери атақ пен лауазым үшін белгіленген шекті жасқа дейін. 2. Білімі: · кемінде орта немесе кәсіби орта; · офицерлер лауазымдары үшін жоғары білім, сондай-ақ запастағы офицерлерге арналған бағдарлама бойынша әскери дайындықтан өтуі. 3. Дене дайындығы және психикалық салауаттылығы: · медициналық куәланадырумен расталған денсаулық жағдайы бойынша жарамдылығы; · психологиялық және кәсіби іріктеуден өту. 4. Кедергілердің болмауы: · соттылығының немесе қозғалған қылмыстық істердің болмауы; · соңғы жыл бойы сыбайлас жемқорлық немесе қасақана құқық бұзушылықтардың болмауы; · келісімшарт бойынша әскери қызметшілер үшін бекітілген шектеулерді қабылдауға әзірлігі. Түсу рәсімі: 1. өтініш беру: · жергілікті әскери басқару органына немесе әскерге шақырылғыңыз келетін әскери бөлімге тікелей жүгініңіз. 2. Тексерулерден өту: · медициналық куәландыру; · дене дайындығын тексеру; · психологиялық тестілеу; · арнайы тексеру, оның ішінде мемлекеттік құпияға рұқсат беру үшін тексеру (қажет болған жағдайда); 3. Кандидатураны қарау: · іріктеу комиссиясы кандидаттың белгіленген талаптарға сәйкестігін бағалайды. 4. Келісімшарт жасасу.
Сұрақ
Ұлым Аягөз қ. қызмет өткеріп жатса, өзім мүгедек болып, денсаулық жағдайым ауыр, тұрақты күтімге мұқтаж болсам, ұлымды Шымкент қ. ауыстыра аламын ба?
Жауап
Әскери қызметшілерді отбасы жағдайы бойынша, оның ішінде жақын туысының ауыр халіне байланысты басқа өңірге ауыстыру мүмкіндігі «Әскери қызмет және әскери қызметшінің мәртебесі туралы» ҚР Заңында көзделген, алайда шешім автоматты түрде емес, қолбасшылықтың қарауына қарай қабылданады Не істеу керек: 1. Әскери қызметші бөлім командиріне ауыстыру себептерін көрсете отырып, өзін басқа өңірге ауыстыру туралы баянат беру қажет; 2. Баянатқа мынадай құжаттар тіркеледі: 1. үлгілік нысан бойынша отбасылық-мүліктік жағдайды зерттеп-қарау актісі; 2. медициналық анықтамалар, үзінді-көшірмелер; 3. мүгедектік туралы анықтама; дәрігерлер комиссиясының тұрақты күтім керектігі туралы қорытындысы; туыстықты растайтын құжаттар (туу туралы куәлік және т.б.). 3. Бөлім командирі баянатты команда бойынша Қорғаныс министрлігінің кадр бөлімшелеріне жібереді. Онда қажетті өңірде әскери қызметшінің әскери-есептік мамандығына сәйкес келетін бос лауазымдардың болуы қарастырылады. 4. Шешім әрбір жағдай бойынша жеке қабылданады: егер бос орын болса және негіздер себепті деп танылса – ауыстыру мүмкін болады.
Сұрақ
Келісімшарт бойынша әскери қызметке қалай кіруге болады немесе запастағы офицерлер үшін 24 ай мерзіммен әскери қызметке қалай шақырылады?
Жауап
Жоғары оқу орнындағы оқуды, ЖОО жанындағы әскери кафедраны аяқтағаннан кейін, Сіз запастағы офицер ретінде жұмылдыру резервіне тіркелесіз. Сізге берілген офицерлер құрамының «запастағы лейтенант» әскери атағын ескере отырып, Сіз 12 ай мерзіммен мерзімді әскери қызметке шақырылуға жатпайсыз. Запастағы офицер ретінде «Әскери қызмет және әскери қызметшілердің мәртебесі туралы» ҚР Заңының 32-бабына сәйкес Сіз 24 ай мерзіммен офицерлер құрамының лауазымдарында әскери қызметке шақыртылуыңыз мүмкін. Запастағы офицерлер құрамындағылар үшін келісімшарт бойынша әскери қызметке кіру тәртібі: 1. Тіркеу немесе әскери есеп бойынша жергілікті әскери басқару органына жүгініңіз. 2. Келісімшарт бойынша әскери қызметке кандидаттар үшін көзделген іріктеу іс-шараларынан өтіңіз. 3. Іріктеу іс-шараларынан табысты өткеннен кейін біліміңіз бен әскери-есептік мамандығыңызды ескере отырып, Сізді офицерлер құрамы лауазымына бойынша әскери қызметке тағайындау туралы бұйрықтың шығаруылуын күтіңіз. 4. Тағайындау туралы бұйрық шығарылғаннан кейін Сізбен әскери қызмет өткеру туралы келісімшарт жасалады.
Сұрақ
Қандай жағдайларда офицер кезекті әскери атағын ала алмайды?
Жауап
ҚР Қарулы Күштерінде, басқа да әскерлері мен әскери құралымдарында әскери қызмет өткеру қағидаларына және ҚР Қарулы Күштерінің Тәртіптік жарғысына сәйкес қызмет өткерудегі (әскери қызмет өткерудегі) офицер мынадай жағдайларда кезекті әскери атаққа ұсынылмайды: Ағымдағы әскери атақта белгіленген өтілінің болмауы: әрбір атақ үшін атақта болудың ең аз мерзімі белгіленген (2 жылдан 5 жылға дейін); Ерекше жағдай: кезектен тыс беру қызметте ерекшеленген және аттестаттаудан өткен кезде мүмкін. Тәртіптік жазалардың болуы: олар алынғанға дейін офицер кезекті атаққа ұсынылмайды; жаза сөгіс, қатаң сөгіс, толық қызметтік сәйкессіздігі туралы ескертуді қамтиды. Аттестаттау нәтижесінің қанағаттанарлықсыз болуы: егер соңғы аттестаттау қорытындысы бойынша офицер атқаратын лауазымына немесе білім деңгейі бойынша сәйкес емес деп танылса. 4.Атқаратын лауазымына сәйкессіздігі: егер офицер одан да жоғары атақты болжамайтын лауазымда қызмет өткерсе. Қылмыстық істің қозғалуы немесе соттылығының болуы: тергеу аяқталғанға дейін немесе соттылығын алғанға/өтегенге дейін беру мүмкін емес. Келісімшарт шарттарын бұзу немесе қызметтік міндеттерді орындамау; Ағымдағы атақ үшін шекті жасқа жету: егер офицер шекті жасқа жетіп (мысалы подполковник/полковник үшін 50-55 жас) және келесі атаққа тиісті құқықпен лауазымға тағайындалмаса.
Сұрақ
Маған кезекті запас бойынша әскери атақ алу тәртібін түсіндіруді сұраймын?
Жауап
Қарулы Күштерде запаста тұрған азаматтарға кезекті әскери атақ беру тәртібі «Әскери қызмет және әскери қызметшілердің мәртебесі туралы» ҚР Заңымен және тиісті заңға тәуелді актілермен реттеледі. Кезекті әскери атақ беру үшін запастағы азамат әскери есепте тұрған жергілікті әскери басқару органына жүгіну қажет. Не істеу керек: 1. Өтініш дайындау (еркін нысанда немесе жергілікті әскери басқару органының бастығына арналған кезекті әскери атақ беру туралы өтініш). 2. Қажетті құжаттарды жинау: · жеке куәлік; · әскери билет (бар болған жағдайда); · білім туралы құжаттар (талап етілген жағдайда); · жұмыс орнынан анықтама (сұрау салу бойынша); · өтілді, жиынға қатысқанын растайтын басқа да құжаттар (бар болған жағдайда); 3. Жергілікті әскери басқару органына жүгіну; 4. Жергілікті әскери басқару органы өтінішті қарайды және жоғары тұрған органдарға тиісті материлдарды жібереді.
Сұрақ
Мен әскери жиындардан «взвод сержанты» лауазымы бойынша өттім, алғашқы «запастағы лейтенант» әскери атағын ала аламын ба?
Жауап
Әскери жиындардан өткеннен кейін «запастағы лейтенант» атағын алу мүмкіндігі бар, бірақ ол үшін нақты шарттар орындалуға тиіс. 1. «Запастағы лейтенант» атағын кім алады: 1. Жоғары білімі бар азамат (көп жағдайларда – міндетті); 2. Егер Сіз мынадай әскери дайындықтан өтсеңіз: · әскери кафедра арқылы; · запастағы офицерлерді даярлаудың арнайы курстары арқылы. 3. Егер Сіз мыналардан табысты өтсеңіз: · запастағы офицерлерді даярлаудың оқу бағдарламасынан; · әскери жиындардан (әскерге шақырту жиыны емес, офицерлік); · қорытынды аттестаттаудан және медициналық комиссиядан. Сіз әскери жиындардан өту кезеңінде «взвод сержанты» лауазымына тағайындалғандықтан, «запастағы лейтенант» әскери атағын беруге құқықтық негіздемелер жоқ.
Құжаттар
Бұйрық
««Қазақстан Республикасы Қорғаныс министрлігінің халықтың санитариялық-эпидемиологиялық саламаттылығы саласындағы мемлекеттік қызметтерді көрсету қағидаларын бекіту туралы» Қазақстан Республикасы Қорғаныс министрінің 2020 жылғы 10 шiлдедегi № 322 бұйрығына өзгерістер енгізу туралы» Қазақстан Республикасы Қорғаныс министрінің 2026 жылғы 10 тамыздағы № 899 бұйрығы
«Қазақстан Республикасы Қорғаныс министрлігінің халықтың санитариялық-эпидемиологиялық саламаттылығы саласындағы мемлекеттік қызметтерді көрсету қағидаларын бекіту туралы» Қазақстан Республикасы Қорғаныс министрінің 2020 жылғы 10 шiлдедегi № 322 бұйрығына өзгерістер енгізу туралы БҰЙЫРАМЫН: «Қазақстан Республикасы Қорғаныс министрлігінің халықтың санитариялық-эпидемиологиялық саламаттылығы саласындағы мемлекеттік қызметтерді көрсету қағидаларын бекіту туралы» Қазақстан Республикасы Қорғаныс министрінің 2020 жылғы 10 шiлдедегi № 322 бұйрығына (Нормативтік құқықтық актілерді мемлекеттік тіркеу тізілімінде № 20957 болып тіркелген) мынадай өзгерістер енгізілсін: кіріспе мынадай редакцияда жазылсын: «Мемлекеттік және әлеуметтік жауапкершілігі бар көрсетілетін қызметтер туралы» Қазақстан Республикасының Заңы 10-бабының 1) тармақшасына сәйкес БҰЙЫРАМЫН:»; 1-тармақ мынадай редакцияда жазылсын: «1. Қазақстан Республикасы Қорғаныс министрлігінің халықтың санитариялық-эпидемиологиялық саламаттылығы саласындағы мемлекеттік қызметтерді көрсету қағидалары бекітілсін.»; Қазақстан Республикасы Қорғаныс министрлігінің халықтың санитариялық-эпидемиологиялық саламаттылығы саласындағы мемлекеттік қызметтерді көрсету қағидалары осы бұйрыққа қосымшаға сәйкес жаңа редакцияда жазылсын. Қазақстан Республикасы Қарулы Күштерінің Бас әскери-медициналық басқармасы Қазақстан Республикасының заңнамасында белгіленген тәртіппен: 1) осы бұйрықты Қазақстан Республикасының Әділет министрлігінде мемлекеттік тіркеуді; 2) осы бұйрықты ресми жарияланғанынан кейін Қазақстан Республикасы Қорғаныс министрлігінің интернет-ресурсына орналастыруды; 3) осы бұйрық алғашқы ресми жарияланған күннен бастап күнтізбелік он күн ішінде осы тармақтың 1) және 2) тармақшаларының орындалуы туралы мәліметтерді Қазақстан Республикасы Қорғаныс министрлігінің Заң департаментіне жіберуді қамтамасыз етсін. Осы бұйрықтың орындалуын бақылау Қазақстан Республикасы Қорғаныс министрінің жетекшілік ететін орынбасарына жүктелсін. Осы бұйрық мүдделі лауазымды адамдарға және құрылымдық бөлімшелерге жеткізілсін. Осы бұйрық алғашқы ресми жарияланған күнінен кейін күнтізбелік он күн өткен соң қолданысқа енгізіледі. Қазақстан Республикасы Қорғаныс министрі Д. Косанов
Бұйрық
«Қазақстан Республикасы Қарулы Күштерінің жеке құрамымен тәрбие, әлеуметтік-құқықтық, психологиялық және идеологиялық жұмысты ұйымдастыру қағидаларын бекіту туралы» Қазақстан Республикасы Қорғаныс министрінің 2022 жылғы 13 қазандағы № 911 бұйрығына өзгерістер енгізу туралы" Қазақстан Республикасы Қорғаныс министрінің 2026 жылғы 27 шілдеге № 834 бұйрығы
«Қазақстан Республикасы Қарулы Күштерінің жеке құрамымен тәрбие, әлеуметтік-құқықтық, психологиялық және идеологиялық жұмысты ұйымдастыру қағидаларын бекіту туралы»Қазақстан Республикасы Қорғаныс министрінің 2022 жылғы 13 қазандағы № 911 бұйрығына өзгерістер енгізу туралы БҰЙЫРАМЫН: «Қазақстан Республикасы Қарулы Күштерінің жеке құрамымен тәрбие, әлеуметтік-құқықтық, психологиялық және идеологиялық жұмысты ұйымдастыру қағидаларын бекіту туралы» Қазақстан Республикасы Қорғаныс министрінің 2022 жылғы 13 қазандағы № 911 бұйрығына (Нормативтік құқықтық актілерді мемлекеттік тіркеу тізілімінде № 30165 болып тіркелген) мынадай өзгерістер енгізілсін: көрсетілген бұйрықпен бекітілген Қазақстан Республикасы Қарулы Күштерінің жеке құрамымен тәрбие, әлеуметтік-құқықтық, психологиялық және идеологиялық жұмысты ұйымдастыру қағидаларында: 52-тармақтың 4) тармақшасы мынадай редакцияда жазылсын: «4) әскери қызметшілер мен олардың отбасы мүшелерін зайырлы, құқықтық және әлеуметтік мемлекет саясатын, этносаралық және конфессияаралық келісім негіздерін, құрылымды бұзатын және радикалды идеология мәнін түсіндіру мақсатында діни тұрғыдан сауаттандыру;»; 88-тармақтың 9) тармақшасы мынадай редакцияда жазылсын: «9) моральдық-психологиялық ахуалды оңтайландыруды, қызметтік ұжымда достық, жолдастық, өзара көмек атмосферасын, әрбір әскери қызметшінің абыройы және ар-намысын құрметтеуді қолдауды;»; 117-тармақтың 1) тармақшасы мынадай редакцияда жазылсын: «1) әскери бөлімдер мен мекемелерде жеке құраммен тәрбие, әлеуеметтік-құқықтық, психологиялық және идеологиялық жұмысты ұйымдастыру және жүргізу, мемлекет идеологиясын, ел басшылығы қабылдайтын қорғаныс қабілетін нығайту, этносаралық және конфессияаралық келісімді қамтамасыз ету жөніндегі шараларды түсіндіру;». Қазақстан Республикасы Қорғаныс министрлігінің Тәрбие және идеологиялық жұмыстар департаменті Қазақстан Республикасының заңнамасында белгіленген тәртіппен: 1) осы бұйрықты Қазақстан Республикасының Әділет министрлігінде мемлекеттік тіркеуді; 2) осы бұйрықты Қазақстан Республикасы Қорғаныс министрлігінің интернет-ресурсына орналастыруды; 3) алғашқы ресми жарияланған күнінен бастап күнтізбелік он күн ішінде осы тармақтың 1) және 2) тармақшаларының орындалуы туралы мәліметтерді Қазақстан Республикасы Қорғаныс министрлігінің Заң департаментіне жіберуді қамтамасыз етсін. Осы бұйрықтың орындалуын бақылау Қазақстан Республикасы Қорғаныс министрінің жетекшілік ететін орынбасарына жүктелсін. Осы бұйрық мүдделі лауазымды адамдарға және құрылымдық бөлімшелерге жеткізілсін. Осы бұйрық алғашқы ресми жарияланған күнінен кейін күнтізбелік он күн өткен соң қолданысқа енгізіледі. Қазақстан Республикасының Қорғаныс министрі авиация генерал-лейтенанты Д. Қосанов
Бұйрық
««Өткізуден түскен ақша өз билігінде қалатын, кіріс әкелетін қызметті жүзеге асыру құқығы берілген Қарулы Күштер мемлекеттік мекемелерінің тауарына (жұмысына, көрсетілетін қызметіне) тарифті (бағаны) бекіту туралы» Қазақстан Республикасы Қорғаныс министрінің 2025 жылғы 11 маусымдағы № 683 бұйрығына өзгерістер енгізу туралы» Қазақстан Республикасы Қорғаныс министрінің 2026 жылғы 4 тамыздағы № 866 бұйрығы
«Өткізуден түскен ақша өз билігінде қалатын, кіріс әкелетін қызметті жүзеге асыру құқығы берілген Қарулы Күштер мемлекеттік мекемелерінің тауарына (жұмысына, көрсетілетін қызметіне) тарифті (бағаны) бекіту туралы» Қазақстан Республикасы Қорғаныс министрінің 2025 жылғы 11 маусымдағы № 683 бұйрығына өзгерістер енгізу туралы БҰЙЫРАМЫН: «Өткізуден түскен ақша өз билігінде қалатын, кіріс әкелетін қызметті жүзеге асыру құқығы берілген Қарулы Күштер мемлекеттік мекемелерінің тауарына (жұмысына, көрсетілетін қызметіне) тарифті (бағаны) бекіту туралы» Қазақстан Республикасы Қорғаныс министрінің 2025 жылғы 11 маусымдағы № 683 бұйрығына мынадай өзгерістер енгізілсін: көрсетілген бұйрықпен бекітілген Өткізуден түскен ақша өз билігінде қалатын, кіріс әкелетін қызметті жүзеге асыру құқығы берілген Қарулы Күштер мемлекеттік мекемелерінің тауарына (жұмысына, көрсетілетін қызметіне) тарифте (бағада): 7-қосымша осы бұйрыққа 1-қосымшаға сәйкес жаңа редакцияда жазылсын. Қазақстан Республикасы Қарулы Күштерінің Тыл бастығы басқармасы Қазақстан Республикасының заңнамасында белгіленген тәртіппен мыналарды қамтамасыз етсін: 1) осы бұйрықты Қазақстан Республикасы Әділет министрінің 2023 жылғы 11 шілдедегі № 472 бұйрығымен бекітілген (Нормативтік құқықтық актілерді мемлекеттік тіркеу тізілімінде № 33059 болып тіркелген) Қазақстан Республикасы нормативтік құқықтық актілерінің мемлекеттік тізілімін, Қазақстан Республикасы нормативтік құқықтық актілерінің эталондық бақылау банкін жүргізу қағидалары 10-тармағының талаптарына сәйкес қол қойылған күнінен бастап бес жұмыс күні ішінде электрондық түрде қазақ және орыс тілдерінде Қазақстан Республикасы Әділет министрлігінің «Қазақстан Республикасының Заңнама және құқықтық ақпарат институты» шаруашылық жүргізу құқығындағы республикалық мемлекеттік кәсіпорнына жіберуді; 2) осы бұйрықты алғашқы ресми жарияланған күннен кейін Қазақстан Республикасы Қорғаныс министрлігінің интернет-ресурсына орналастыруды; 3) осы бұйрық алғашқы ресми жарияланған күннен бастап күнтізбелік он күн ішінде осы тармақтың 1) және 2) тармақшаларының орындалуы туралы мәліметтерді Қазақстан Республикасы Қорғаныс министрлігінің Заң департаментіне жіберуді қамтамасыз етсін. Осы бұйрықтың орындалуын бақылау Қазақстан Республикасы Қорғаныс министрінің тыл және әскери инфрақұрылым жөніндегі орынбасарына жүктелсін. Осы бұйрық мүдделі лауазымды адамдарға және құрылымдық бөлімшелерге жеткізілсін. Осы бұйрық алғашқы ресми жарияланған күнінен кейін күнтізбелік он күн өткен соң қолданысқа енгізіледі. Қазақстан Республикасының Қорғаныс министрі авиация генерал-лейтенанты Д. Қосанов
Бұйрық
«Қазақстан Республикасы Қарулы Күштерінің әскери бөлімдері мен мекемелерінің азаматтық персоналы, қазыналық кәсіпорындарының жұмыскерлері үшін мамандығы бойынша жұмыс өтілін есептеу және Қазақстан Республикасының Қарулы Күштеріндегі жұмысы үшін жұмысшыларға пайыздық үстемеақы белгілеу қағидаларын бекіту туралы» Қазақстан Республикасы Қорғаныс министрінің 2016 жылғы 26 шілдедегі № 350 бұйрығына өзгерістер енгізу туралы
«Қазақстан Республикасы Қарулы Күштерінің әскери бөлімдері мен мекемелерінің азаматтық персоналы, қазыналық кәсіпорындарының жұмыскерлері үшін мамандығы бойынша жұмыс өтілін есептеу және Қазақстан Республикасының Қарулы Күштеріндегі жұмысы үшін жұмысшыларға пайыздық үстемеақы белгілеу қағидаларын бекіту туралы»Қазақстан Республикасы Қорғаныс министрінің 2016 жылғы 26 шілдедегі № 350 бұйрығынаөзгерістеренгізу туралы БҰЙЫРАМЫН: «Қазақстан Республикасы Қарулы Күштерінің әскери бөлімдері мен мекемелерінің азаматтық персоналы, қазыналық кәсіпорындарының жұмыскерлері үшін мамандығы бойынша жұмыс өтілін есептеу және Қазақстан Республикасының Қарулы Күштеріндегі жұмысы үшін жұмысшыларға пайыздық үстемеақы белгілеу қағидаларын бекіту туралы» Қазақстан Республикасы Қорғаныс министрінің 2016 жылғы 26 шілдедегі № 350 бұйрығына (Нормативтік құқықтық актілерді мемлекеттік тіркеу тізілімінде № 14151 болып тіркелген) мынадай өзгерістер енгізілсін: Қазақстан Республикасы Қарулы Күштерінің әскери бөлімдері мен мекемелерінің азаматтық персоналы, қазыналық кәсіпорындарының жұмыскерлері үшін мамандығы бойынша жұмыс өтілін есептеу және Қазақстан Республикасының Қарулы Күштеріндегі жұмысы үшін жұмысшыларға пайыздық үстемеақы белгілеу қағидаларында: 6-тармақ мынадай редакцияда жазылсын: «6. Мамандығы бойынша жұмыс өтілін айқындайтын құжат Қазақстан Республикасы Еңбек кодексінің 35-бабына сәйкес жұмыскердің еңбек қызметін растайтын құжат, әскери қызметтен шығарылған Қазақстан Республикасының азаматтары үшін – әскери билет болып табылады.»; 11-тармақтың 10) тармақшасы мынадай редакцияда жазылсын: «10) Қазақстан Республикасы Құрылтай депутатының, мәслихат депутатының өкілеттіктерін жүзеге асыру;». Қазақстан Республикасы Қорғаныс министрлігінің Экономика және қаржы департаменті Қазақстан Республикасының заңнамасында белгіленген тәртіппен: 1) осы бұйрықты Қазақстан Республикасының Әділет министрлігінде мемлекеттік тіркеуді; 2) осы бұйрықты ресми жарияланғанынан кейін Қазақстан Республикасы Қорғаныс министрлігінің интернет-ресурсына орналастыруды; 3) мемлекеттік тіркелген күннен бастап күнтізбелік он күн ішінде осы тармақтың 1) және 2) тармақшаларының орындалуы туралы мәліметтерді Қазақстан Республикасы Қорғаныс министрлігінің Заң департаментіне жіберуді қамтамасыз етсін. Осы бұйрықтың орындалуын бақылау Қазақстан Республикасы Қорғаныс министрінің жетекшілік ететін орынбасарына жүктелсін. Осы бұйрық мүдделі лауазымды адамдарға және құрылымдық бөлімшелерге жеткізілсін. Осы бұйрық алғашқы ресми жарияланған күнінен кейін күнтізбелік он күн өткен соң қолданысқа енгізіледі. Қазақстан Республикасының Қорғаныс министрі авиация генерал-лейтенанты Д. Қосанов
Бұйрық
«Қазақстан Республикасы Қарулы Күштерінің әскери қызметшілеріне ақшалай ризық, жәрдемақы мен басқа да төлем төлеу қағидаларын бекіту туралы» Қазақстан Республикасы Қорғаныс министрінің 2017 жылғы 2 маусымдағы № 255 бұйрығына өзгерістер мен толықтырулар енгізу туралы
«Қазақстан Республикасы Қарулы Күштерінің әскери қызметшілеріне ақшалай ризық, жәрдемақы мен басқа да төлем төлеу қағидаларын бекіту туралы» Қазақстан Республикасы Қорғаныс министрінің 2017 жылғы 2 маусымдағы № 255 бұйрығына өзгерістер мен толықтырулар енгізу туралы БҰЙЫРАМЫН: «Қазақстан Республикасы Қарулы Күштерінің әскери қызметшілеріне ақшалай ризық, жәрдемақы мен басқа да төлем төлеу қағидаларын бекіту туралы» Қазақстан Республикасы Қорғаныс министрінің 2017 жылғы 2 маусымдағы № 255 бұйрығына (Нормативтік құқықтық актілерді мемлекеттік тіркеу тізілімінде № 15313 болып тіркелген) мынадай өзгерістер мен толықтырулар енгізілсін: көрсетілген бұйрықпен бекітілген Қазақстан Республикасы Қарулы Күштерінің әскери қызметшілеріне ақшалай ризық, жәрдемақы мен басқа да төлем төлеу қағидаларында: 3-тармақ мынадай редакцияда жазылсын: «3. «Әскери қызмет және әскери қызметшілердің мәртебесі туралы» Қазақстан Республикасы Заңының 21-бабы 5-тармағының 6), 8) және 9) тармақшаларында көзделген жағдайда әскери қызметші әскери қызметте дәлелсіз себеппен болмаған, әскери емес лауазымда әскери қызмет өткерген жағдайда оған, қамауда болған уақытта сотталған әскери қызметшіге ақшалай ризық командирдің (бастықтың) бұйрығы негізінде әскери қызмет міндеттерін нақты орындау күніне пропорционалды түрде төленеді. Бұйрықта әскери қызметте нақты болмаған күн көрсетіледі. Ақшалай ризықты пропорционалды есептеу үшін бір айдағы күнтізбелік күн қолданылады.»; 4-тармақтың үшінші бөлігі мынадай редакцияда жазылсын: «Ақшалай ризықты төлеу кезінде әскери қызметші тиісті кезең үшін оған тиесілі ақшалай ризықтың құрамдас бөліктері, жүргізілген ұстап қалудың мөлшері мен негіздері туралы, сондай-ақ төленуге тиіс жалпы ақша сомасы туралы қағаз түрінде немесе электрондық нысанда ай сайын хабардар етіледі.»; 7-3-тармақ мынадай мазмұндағы үшінші бөлікпен толықтырылсын: «Мемлекетке Біріккен Ұлттар Ұйымы «Бітімгершілік қызмет туралы» Қазақстан Республикасының Заңы 23-бабының 2-тармағында көзделген персоналдың қатысқаны үшін бөлетін қаражатты төлеуді Қазақстан Республикасы Қорғаныс министрлігінің Бітімгершілік операциялар орталығы ол бөлімнің валюталық шотына түскен күнгі жағдай бойынша Қазақстан Республикасы Ұлттық Банкінің ресми валюта бағамы бойынша қайта айырбасталғаннан кейін жүзеге асырады.»; мынадай мазмұндағы 7-6-тармақпен толықтырылсын: «7-6. Әскери қызметшіге ол қызмет өткеріп жүрген әскери бөлім (мекеме) «Әскери қызмет және әскери қызметшілердің мәртебесі туралы» Қазақстан Республикасы Заңының 49-бабына сәйкес әскери бөлім командирінің (мекеме бастығының) бұйрығы негізінде ағымдағы ай үшін ақшалай ризықпен бірге өткен ай үшін үш еселенген мөлшерде ақшалай жабдықталымды төлейді.»; 26-тармақтың бірінші бөлігі мынадай редакцияда жазылсын: «26. Командирдің (бастықтың) өкіміне қабылданған күннен бастап оған міндеттерді жүктеп, әскери қызметшіге соңғы атқарған лауазымы бойынша сыныптық біліктілік үшін ақшалай жабдықталым және үстемеақы төлеу мынадай мерзім ішінде сақталады:»; 26-1-тармақ мынадай редакцияда жазылсын: «26-1. Әскери қызметшіге командирдің (бастықтың) өкімінде тұрған кезеңде оған қатысты күдіктінің әрекетін жіктеу туралы қаулы шығарылған күннен бастап тиісті жылға белгіленген ең төменгі жалақы төленеді.»; 27-тармақ мынадай редакцияда жазылсын: «27. Ақшалай ризық алуға құқық айқындалған кезде өкімде тұру мерзіміне әскери қызметшінің жыл сайынғы негізгі демалысында, әскери-медициналық (медициналық) бөлімшелерде, ал олар әскери қызмет өткеру орны бойынша болмаған немесе оларда тиісті бөлімшелер болмаған жағдайда – медициналық ұйымдарда емделуде болған кезеңдер өкімде болу мерзіміне есептелмейді.»; 29-тармақ мынадай редакцияда жазылсын: «29. Ақтайтын негіздер бойынша оған қатысты қылмыстық қудалау (қылмыстық іс) тоқтатылған немесе сот ақтау үкімін шығарған жағдайда әскери қызметшіге ақшалай үлес Қағидалардың 26-1-тармағына сәйкес төленген соманы алып тастап, командирдің (бастықтың) өкімінде мәжбүрлі тұрған уақыты үшін төленеді.»; 36-тармақ мынадай редакцияда жазылсын: «36. Сыныптық біліктілігі үшін үстемеақыны қоспағанда, ерекше қызмет жағдайы үшін үстемеақы мерзімді қызмет әскери қызметшісінен басқа, әскери қызметшіге командирдің (бастықтың) бұйрығы негізінде ерекше қызмет жағдайы үшін үстемеақы алуға құқығы бар лауазымға тағайындалған күннен бастап, бірақ іс пен лауазым қабылданған күннен ерте емес төленеді.»; 43-тармақ мынадай редакцияда жазылсын: «43. Ұшқыш әскери-есептік мамандығына сәйкес лауазымда әскери қызмет өткеретін, тиісті командирдің (бастықтың) бұйрығымен оқу жылына арналған ұшуға жіберілген, ұшуды орындайтын және рұқсат етілген мерзімнен артық үзілісі жоқ әскери қызметшіге ерекше қызмет жағдайы үшін үстемеақы өткен ай үшін ағымдағы айда төленеді.»; 44-тармақтың үшінші бөлігі мынадай редакцияда жазылсын: «Рұқсат етілген мерзімнен артық үзілісі жоқ әскери қызметшілерді, сондай-ақ оларға байланысты емес себептер (нақты себептерді көрсете отырып) бойынша осы ұшуды орындамаған адамдар көрсетіле отырып, үстемеақы төлеу туралы тиісті командирдің (бастықтың) бұйрығымен ай сайын жарияланады.»; 45-тармақ мынадай редакцияда жазылсын: «45. Атқарып отырған лауазымынан босатусыз ұшу жұмысынан шеттетілген әскери қызметшіге үстемеақы командир (бастық) ұшу жұмысынан шеттету туралы бұйрыққа қол қойған күнге дейін төленеді.»; 49-тармақ мынадай редакцияда жазылсын: «49. Әскери қызметшіге қызмет өткерудің ерекше жағдайы үшін үстемеақы командирдің (бастықтың) бұйрығы негізінде төленеді.»; 50-тармақтың бірінші бөлігі мынадай редакцияда жазылсын: «50. Командирдің (бастықтың) үстемеақы төлеу туралы бұйрығы ай сайын шығарылады онда мыналар көрсетіледі:»; 54-тармақ мынадай редакцияда жазылсын: «54. Үстемеақы төлеу командирдің (бастықтың) бұйрығы негізінде жүзеге асырылады.»; 58-тармақта: бірінші бөлігі мынадай редакцияда жазылсын: «58. Әскери қызметшіні командирдің (бастықтың) оған үстемеақы төлеуге бұйрығына қосу үшін негіз:»; 3) тармақша мынадай редакцияда жазылсын: «3) тиісті командирдің (бастықтың) тікелей рұқсат ету туралы өкімінің болуы;»; 60-тармақта: 3) тармақша мынадай редакцияда жазылсын: «3) командирдің (бастықтың) бұйрығымен мемлекеттік құпияларды құрайтын мәліметтермен жұмыс істеуден босатылған адамға;»; алтыншы бөлігі мынадай редакцияда жазылсын: «Төлеуді тоқтата тұру және қайта бастау туралы шешім командирдің (бастықтың) бұйрығымен (саптық бөлім бойынша) жарияланады.»; 63-тармақ мынадай редакцияда жазылсын: «63. Үстемеақы әскери қызметшіге командирдің (бастықтың) бұйрығы негізінде төленеді, ол үстемеақыны бірінші рет тағайындаған, үстемеақы төлеуді қайта бастаған, сондай-ақ үлкен мөлшерде үстемеақы төлеуге құқық беретін жұмыс өтіліне жеткен кезде шығарылады. Әскери лауазымға тағайындалған (әскери лауазымы бойынша міндеттерді уақытша атқаруға жіберілген) кезде үстемеақы төлеу командирдің (бастықтың) көрсетілген үстемеақыны төлеу туралы бұйрығында көрсетілген күннен бастап жүргізіледі. Бұйрықта әскери атағы, тегі, аты, әкесінің аты, атқаратын лауазымы, шифрлау жұмысындағы өтілі және пайыз түрінде белгіленетін үстемеақы мөлшері көрсетіледі.»; 65-тармақтың бірінші бөлігі мынадай редакцияда жазылсын: «65. Сауықтыруға арналған жәрдемақы онда жәрдемақының сомасын көрсете отырып, командирдің (бастықтың) бұйрығы негізінде төленеді. Командирдің (бастықтың) әскери қызметшінің жыл сайынғы негізгі демалысқа кеткені туралы бұйрығы алдын ала демалыс басталғанға дейін шығарылады. Бұйрықтан үзінді бұйрық шығарылған күні қаржы органына беріледі. Қаржы органы әскери қызметшінің демалысы басталғанға дейін үш күннен кешіктірмей сауықтыруға арналған жәрдемақыны төлеуді жүргізеді.»; 68-тармақ мынадай редакцияда жазылсын: «68. Келісімшарт бойынша әскери қызметші теріс себептер бойынша әскери қызметтен шығарылған жағдайда алған сауықтыруға арналған жәрдемақы сомасын қызмет өткермеген уақытына барабар өтейді. Сауықтыруға арналған жәрдемақы сомасын есептеу нақты мөлшері негізге алынып, пропорционалды түрде есептеледі. Өтелетін сауықтыруға арналған жәрдемақы сомасының мөлшері мына формула бойынша есептеледі: L х К = Р 365 күн L – Р = V мұнда: L – төленген сауықтыруға арналған жәрдемақының мөлшері; 365 күн – бір жылдағы күндер саны (ауыспалы жылда 366 күн); К – бір жыл ішінде қызмет өткерген күндер саны; Р – сауықтыруға арналған жәрдемақының тиесілі сомасы; V – өтелетін сома.»; 88-тармақ мынадай редакцияда жазылсын: «88. Өтемақы төлеу командирдің (бастықтың) бұйрығы негізінде ақшалай ризықты төлеген сәтте көрсетілген жұмыстарды орындаған күндері үшін жүргізіледі. Бұл ретте бұйрықта жарылу қаупі бар заттарды және өзге де жарылғыш құрылғыларды іздеу, тасымалдау, қатерсіздендіру және жою жөніндегі жауынгерлік міндеттерді орындаумен айналысатын әскери қызметшілердің тізімі және осы жұмыстарды жүргізу кезеңі көрсетіледі.»; 97-9-тармақтың бірінші бөлігі мынадай редакцияда жазылсын: «97-9. Әскери қызметшіге материалдық көмек көрсету мынадай жағдайда:»; 97-10-тармақта: бірінші бөлік мынадай редакцияда жазылсын: «97-10. Әскери қызметшіге материалдық көмек оның тиісті материалдық көмек көрсету жөніндегі комиссияға баянаты негізінде көрсетіледі. Баянатқа мынадай құжаттар қоса беріледі:»; 7) тармақшаның бесінші бөлігі мынадай редакцияда жазылсын: «Әскери қызметшіге зейнеткерлікке шыққан кезде материалдық көмекке жеке құрам бойынша қызметтен шығару туралы бұйрық шығарылған күнге дейін бір айдан кешіктірілмей берілген баянат негізінде жол беріледі.»; 7) тармақша мынадай мазмұндағы алтыншы және жетінші бөліктермен толықтырылсын: «Комиссия зейнеткерлікке шығуға байланысты материалдық көмек көрсету туралы баянатты қызметтен шығару туралы бұйрықтан үзінді ұсынылғаннан кейін бір жұмыс күні ішінде қарайды. Қарау нәтижесі бойынша комиссия хаттаманы ресімдейді, оның негізінде командир (бастық) комиссия шешім қабылдаған күннен бастап бір жұмыс күнінен кешіктірмей материалдық көмек төлеу туралы бұйрық шығарады. Материалдық көмек бөлім тізімінен шығарылған күнге дейін төленеді.»; 97-12-тармақ мынадай редакцияда жазылсын: «97-12. Аурудың өте ауыр түрлері (мысалы: онкологиялық аурулар) болған жағдайда комиссия материалдық көмек мөлшерін, бірақ екі еседен артық емес ұлғайту туралы шешім қабылдауы мүмкін.». Қазақстан Республикасы Қорғаныс министрлігінің Экономика және қаржы департаменті Қазақстан Республикасының заңнамасында белгіленген тәртіппен: 1) осы бұйрықты Қазақстан Республикасы Әділет министрінің 2023 жылғы 11 шілдедегі № 472 бұйрығымен бекітілген Қазақстан Республикасы нормативтік құқықтық актілерінің мемлекеттік тізілімін, Қазақстан Республикасы нормативтік құқықтық актілерінің эталондық бақылау банкін жүргізу қағидалары 10-тармағының талаптарына сәйкес (Нормативтік құқықтық актілерді мемлекеттік тіркеу тізілімінде № 33059 болып тіркелген) қол қойылған күнінен бастап бес жұмыс күні ішінде электрондық түрде қазақ және орыс тілдерінде Қазақстан Республикасы Әділет министрлігінің «Қазақстан Республикасының Заңнама және құқықтық ақпарат институты» шаруашылық жүргізу құқығындағы республикалық мемлекеттік кәсіпорнына жіберуді; 2) осы бұйрықты алғашқы ресми жарияланғанынан кейін Қазақстан Республикасы Қорғаныс министрлігінің интернет-ресурсына орналастыруды; 3) мемлекеттік тіркелген күннен бастап күнтізбелік он күн ішінде осы тармақтың 1) және 2) тармақшаларының орындалуы туралы мәліметтерді Қазақстан Республикасы Қорғаныс министрлігінің Заң департаментіне жіберуді қамтамасыз етсін. Осы бұйрықтың орындалуын бақылау Қазақстан Республикасы Қорғаныс министрінің жетекшілік ететін орынбасарына жүктелсін. Осы бұйрық мүдделі лауазымды адамдарға және құрылымдық бөлімшелерге жеткізілсін. Осы бұйрық алғашқы ресми жарияланған күнінен кейін күнтізбелік он күн өткен соң қолданысқа енгізіледі. Қазақстан Республикасының Қорғаныс министрі авиация генерал-лейтенанты Д. Қосанов