Алматы қаласының әкімдігі

Оқушыны ауыстыру тәртібі Қазақстан Республикасы Білім және ғылым министрінің 2018 жылғы 12 қазандағы № 564 бұйрығымен реттеледі. Ауыстыру мерзімі 17-тармаққа сәйкес, бір мектептен екінші мектепке ауыстыру үшін құжаттарды қабылдау каникул кезеңінде жүзеге асырылады. Оқу кезеңінде ауыстыруға мынадай жағдайларда жол беріледі: заңды күшіне енген сот шешімі болған кезде; бір елді мекен шегінде немесе басқа елді мекенге көшкен кезде – тұрғын үйге меншік құқығын не оны иелену және пайдалану құқығын растайтын құжаттар болған жағдайда; Қазақстан Республикасының шегінен тыс жерге шығу кезінде – растайтын құжаттар болған жағдайда; зорлық-зомбылыққа, қатыгездікке немесе буллингке ұшыраған не оның куәгері болған баланы ауыстыру кезінде. Өтініш беру тәсілі 18-тармаққа сәйкес, ата-ана немесе өзге де заңды өкіл өтінішті: электрондық үкімет порталы арқылы; немесе тікелей мектепке қағаз түрінде береді. Қажетті құжаттардың тізбесі № 564 бұйрықтың 2-қосымшасында белгіленген. Портал арқылы өтініш берген кезде Мыналар талап етіледі: белгіленген нысандағы ата-ананың немесе заңды өкілдің өтініші . Қызмет көрсету нәтижесі жеке кабинетке жолданады. 19-тармаққа сәйкес, ауыстыру туралы хабарлама немесе дәлелді бас тарту бір жұмыс күні ішінде жіберіледі. Қағаз түрінде ауыстыру тәртібі ата-ана баланы ауыстырғысы келетін мектепке өтініш береді; 20-тармаққа сәйкес, мектеп 1 жұмыс күні ішінде қабылдау туралы есептен шығару талонын береді; аталған талон баланың бұрынғы мектебіне 3 жұмыс күні ішінде ұсынылуы тиіс. Талонның жарамдылық мерзімі де – 3 жұмыс күні; 21-тармаққа сәйкес, бұрынғы мектеп қабылдау туралы талонды алғаннан кейін ата-анаға: шығу туралы есептен шығару талонын ; оқушының жеке іс қағазын береді; 22-тармаққа сәйкес, алынған құжаттардың түпнұсқалары жаңа мектепке ұсынылады. Осыдан кейін мектептер оқушыны шығару және қабылдау туралы тиісті бұйрықтар шығарады. Ауыстыру үшін қажетті құжаттар ата-ананың немесе заңды өкілдің өтініші; қағаз түрінде рәсімдеген кезде – қабылдау туралы есептен шығару талоны; кейін бұрынғы мектеп шығу туралы есептен шығару талонын және баланың жеке іс қағазын береді; Қазақстан Республикасының шегінен тыс жерге кеткен жағдайда қабылдау туралы талонның орнына шетелге шығуды растайтын құжат ұсынылады. Мектепте бос орынның болуы 25-тармаққа сәйкес, оқушыларды 2–9-сыныптарға қабылдау сынып-жинақтардың шамадан тыс толып кетпеуі шартымен жүзеге асырылады. Сондықтан ауыстыруға негіздің болуы нақты таңдалған мектепке автоматты түрде қабылдануды білдірмейді, егер тиісті сыныпта бос орын болмаса. Бұл ретте жалпы тәртіп бойынша ауыстыру каникул кезінде жүзеге асырылады , ал оқу тоқсаны ішінде – тек № 564 бұйрықтың 17-тармағында тікелей көзделген жағдайларда ғана рұқсат етіледі.

Алматыда автобустың бағытын немесе қозғалыс кестесін өзгерту мәселесі тек ресми өтініш негізінде қаралады. Өтініш берілгеннен кейін көлік жағдайына талдау жүргізіліп, тиісті шешім қабылданады. Ол үшін Алматы қаласы Жол қозғалысы және жолаушылар көлігін ұйымдастыру басқармасына e-Otinish ақпараттық жүйесі арқылы өтініш жолдауға немесе Алматы қаласы, Бостандық ауданы, Республика алаңы, 4 мекенжайындағы басқарма кеңсесіне жазбаша түрде жүгінуге болады. Байланыс телефоны: +7 (727) 225-12-81. Өтініште автобус бағытын немесе қозғалыс кестесін өзгерту жөніндегі ұсынысты және оның себебін нақты көрсету қажет. Мысалы, жолаушылар санының артуы, қозғалыс интервалының қолайсыздығы немесе белгілі бір аумақта қоғамдық көлік қатынасының жеткіліксіз болуы негіз ретінде көрсетілуі мүмкін. Өтініш тіркелгеннен кейін басқарма мамандары аумақты барып тексереді, жолаушылар санын, тұрғындар санын және жол инфрақұрылымының жағдайын талдайды, сондай-ақ ұсыныстың жол қозғалысы қауіпсіздігі талаптарына сәйкестігін бағалайды. Егер маршрутты немесе қозғалыс кестесін өзгерту қажеттілігі негізделсе, жаңа қозғалыс сызбасы мен кестесі әзірленеді. Осыдан кейін маршрутқа тиісті өзгеріс енгізіліп, ол әлеуметтік маңызы бар маршруттар тізіміне енгізілуі мүмкін. Өтініш 15 жұмыс күні ішінде қаралады. Қосымша зерделеу немесе тексеру қажет болған жағдайда қарау мерзімі заңнамада белгіленген тәртіппен екі айға дейін ұзартылуы мүмкін.

Алматыда қараусыз және иесіз жануарлардың санын реттеу жұмыстары жүргізіледі. Негізгі мақсат – адам мен жануарларға ортақ жұқпалы аурулардың таралуына жол бермеу, сондай-ақ жануарлардың адамдарға шабуыл жасау қаупін азайту. Қараусыз және иесіз жануарларды ұстаумен Алматы қаласы Кәсіпкерлік және инвестициялар басқармасының «Алматы ветеринариялық қызметі» ШЖҚ КМК айналысады. Жұмыс Қазақстан Республикасының «Жануарларға жауапкершілікпен қарау туралы» Заңына және Алматы қаласында жануарларды аулау, уақытша ұстау және жансыздандыру қағидаларына сәйкес жүргізіледі. Ұсталған жануарлар уақытша ұстау пунктіне жеткізіліп, ветеринариялық тексеруден өтеді. Мамандар олардың денсаулық жағдайын бағалап, қажет болса диагностика, вакцинация және ұрықсыздандыру шараларын жүргізеді. Ветеринариялық тексеру нәтижесінде қарсы көрсетілімдері анықталмаған және адамдарға қауіп төндірмейтін жануарлар жаңа иелеріне берілуі немесе заңнамада белгіленген тәртіппен бұрынғы мекендеу ортасына қайтарылуы мүмкін. Жануарларды эвтаназиялау тек заңнамада көзделген жағдайда ғана жүзеге асырылады. Атап айтқанда, белгілі бір аурулар анықталған немесе жануар адамның не басқа жануарлардың өмірі мен денсаулығына нақты қауіп төндірген жағдайда мұндай шара қолданылуы мүмкін. Эвтаназия ізгілік қағидаттарын және белгіленген ветеринариялық талаптарды сақтай отырып жүргізіледі. Қараусыз және иесіз жануарларды ұстауға өтінімдер азаматтар мен ұйымдардан қабылданады. Алматы тұрғындары өтінім беру үшін «109» Бірыңғай байланыс орталығына, Алматы қаласы әкімдігінің «Open Almaty» қоғамдық қабылдауына немесе Алматы ветеринариялық қызметінің диспетчерлік қызметіне WhatsApp арқылы +7 708 595-64-04 нөміріне хабарласа алады.

Жол жөндеу жұмыстары кезінде көлік қозғалысын уақытша шектеу немесе жол учаскесін толық жабу – жол қозғалысы қауіпсіздігін қамтамасыз етуге және жөндеу жұмыстарын сапалы орындауға бағытталған қажетті шара. Жөндеу кезінде жол бойында жол-құрылыс машиналары, арнайы техника және жұмыс бригадалары жұмыс істейді. Жұмыс жүргізіліп жатқан аумақтың жанында көліктің жүруі жол-көлік оқиғаларының қаупін арттырып, жұмысшылардың өмірі мен денсаулығына қауіп төндіреді. Сондықтан жөндеу жүргізілетін учаскеге көлік құралдарының кіруі уақытша шектеледі немесе толық тоқтатылады. Қозғалысты шектеу жөндеу технологиясын сақтау үшін де маңызды. Ескі жол жабындысын алу, жаңа асфальт төсеу, оны нығыздау және салқындату кезінде жол төсеміне қосымша салмақ түспеуге тиіс. Көлік қозғалысы белгіленген мерзімнен бұрын ашылған жағдайда жаңа жабын деформацияланып, жолтабан, жарықшақ, шөгу және басқа да ақаулар пайда болуы ықтимал. Бұл жолдың пайдалану мерзімін қысқартып, мерзімінен бұрын қайта жөндеу қажеттілігіне әкелуі мүмкін. Жөндеу жұмыстары кезінде көлік қозғалысын уақытша шектеу немесе тоқтату мүмкіндігі Қазақстан Республикасының 2014 жылы 17 сәуірдегі №194-V «Жол жүрісі туралы» Заңында көзделген. Заң жол қозғалысына қатысушылардың қауіпсіздігін қамтамасыз ету қажет болған жағдайда жөндеу жұмыстары кезінде осындай шараларды енгізуге мүмкіндік береді. Қарапайым тілмен айтқанда, егер көлік қозғалысын шектемей жөндеу жүргізу адамдарға қауіп төндірсе немесе жұмыс сапасына кері әсер етуі мүмкін болса, уәкілетті органдар көлік қозғалысының сызбасын уақытша өзгертуге құқылы. Жол жөндеу жұмыстары автомобиль жолдары және жол қозғалысы қауіпсіздігі саласындағы қолданыстағы нормативтік талаптарға сәйкес ұйымдастырылады. Жұмыс жүргізілетін аумақта уақытша жол белгілері, қоршаулар, ескерту құрылғылары және қозғалысты ұйымдастыруға қажетті өзге де құралдар орнатылады. Көлік қозғалысын толық немесе ішінара шектеу туралы шешім әрбір жол учаскесі бойынша жеке қабылданады. Бұл ретте қозғалыс қарқындылығы, жол санаты, жөндеу жұмыстарының түрі мен көлемі және техникалық мүмкіндіктер ескеріледі.Мүмкіндік болған жағдайда жөндеу жұмыстары кезең-кезеңімен жүргізіліп, жолақтардың бір бөлігі көлік қозғалысы үшін ашық қалады. Ал мұндай тәсіл қауіпсіздік талаптарын сақтауға немесе жұмыстарды сапалы орындауға мүмкіндік бермесе, жол учаскесі уақытша толық жабылады. Тұрғындарға қолайсыздықты барынша азайту үшін айналып өту сызбалары алдын ала әзірленіп, уақытша жол белгілері орнатылады. Сондай-ақ, жөндеу жұмыстарының мерзімі туралы ақпарат бұқаралық ақпарат құралдары, ресми интернет-ресурстар және мемлекеттік органдардың әлеуметтік желілердегі парақшаларында алдын ала жарияланады.

Электромобиль иелері тегін тұрақ мүмкіндігін пайдалану үшін тұрақ кеңістігінің операторы – Алматы қаласы Көлік қозғалысын ұйымдастыру және жолаушылар көлігі басқармасының «Алматы паркинг» ШЖҚ КМК-не өтінім беруі қажет. Өтінім қаралып, мақұлданғаннан кейін көлік құралы туралы мәліметтер «Парковочная платформа версия 3.1» ЭЕМ бағдарламасындағы жеңілдіктер тізіліміне енгізіледі. Осыдан кейін электромобиль иесі белгіленген тұрақ жеңілдігін пайдалана алады. Өтінім беру тәртібімен және жеңілдік алу шарттарымен кәсіпорынның www.almaty-parking.kz ресми сайтындағы «Жеңілдіктер» бөлімінен танысуға болады. Қосымша ақпаратты +7 (727) 390 8000 нөмірі бойынша колл-орталықтан алуға болады. Сондай-ақ, Алматы қаласы, Байсейітова көшесі, 40-үй, 71-тұрғын емес үй-жай мекенжайына жеке жүгінуге немесе «eOtinish» сервисі арқылы өтініш жолдауға болады.

Алматы қаласының мемлекеттік мектептерінде балаларды 2026–2027 оқу жылына 1-сыныпқа қабылдау үшін құжаттарды қабылдау 2026 жылғы 10 маусым мен 31 тамыз аралығында жүзеге асырылады. Өтінішті OQU Ұлттық білім беру платформасы (https://oqu.edu.kz) немесе egov.kz электрондық үкімет порталы арқылы, сондай-ақ тікелей білім беру ұйымына барып, қағаз форматында беруге болады. 2026–2027 оқу жылында 1-сыныпқа қабылдауды Алматы қаласының 214 мемлекеттік мектебі жүргізеді. №10, 15, 17 мектеп-интернаттары қабылдауды жолдамалар бойынша қағаз форматында жүзеге асырады. Қабылдау «3-те 1» принципі бойынша жүргізіледі: мектептің қызмет көрсету аумағында тұратын балаларға арналған әрбір 3 орынға шағын ауданнан тыс жерден түсетін балалар үшін 1 орын қарастырылған. Мектептің қызмет көрсету аумағында (шағын ауданда) тұратын балалардың қабылдануға басым құқығы бар. Сонымен қатар, ата-аналар (заңды өкілдер) бос орындар болған жағдайда кез келген мемлекеттік білім беру ұйымына өтініш беруге құқылы. Өтініш беру үшін заңды өкілдің тұрғылықты жері бойынша тұрақты немесе уақытша тіркеуі болуы қажет. Тұрғылықты мекенжайды растау мемлекеттік ақпараттық жүйелер арқылы жүзеге асырылады. 1-сыныпқа қабылдау үшін келесі құжаттар өткізіледі: баланың 3×4 фотосуреті; профилактикалық егу картасы (№ 065/е нысаны); баланың денсаулық паспорты (№ 052-2/е нысаны); ПМПК (психологиялық-медициналық-педагогикалық консультация) қорытындысы — ерекше білім беру қажеттіліктері бар балалар үшін. Мектепалды даярлықтан (0-сынып) өткен білім алушылар ата-аналарының (заңды өкілдерінің) өтініші негізінде 1-сыныпқа қабылдана алады. Өтінішті қарау мерзімі 1 жұмыс күнін құрайды. Құжаттарды қабылдау мәселелері бойынша ата-аналар білім беру ұйымына немесе тұрғылықты жері бойынша аудандық білім бөліміне хабарласа алады.