Өскемен қаласында қолданыстағы 1720 жылы салынған ғимараттың орнына жаңа тергеу изоляторының құрылысы басталды.
Аталған мәселе бұған дейін бірнеше рет Омбудсмен институты, Ұлттық превентивтік тетік қатысушылары тарапынан көтеріліп, сондай-ақ Шығыс Қазақстан облысы бойынша Адам құқықтары жөніндегі уәкіл өкілінің мониторингтік баруларының қорытындыларында да көрініс тапқан болатын.
Өңірдің қылмыстық-атқару жүйесіндегі маңызды инфрақұрылымдық жобалардың бірі – жаңа тергеу изоляторының құрылыс жұмыстарының барысын Шығыс Қазақстан облысы бойынша ҚАЖ департаментінің бастығы тексерді.
Жаңа тергеу изоляторын салу қажеттілігі қолданыстағы ғимараттың қамауда ұсталатын адамдарды ұстау жағдайларына қойылатын талаптарға толық көлемде сәйкес келмеуіне байланысты.
P.S. Азаматтық және саяси құқықтар туралы халықаралық пактке сәйкес, бас бостандығынан айырылған әрбір адамның ізгілікпен қаралуға және оның адами қадір-қасиетінің құрметтелуіне ажырамас құқығы бар.
