Шет ауданында жас жыршылар өнер сайысына түсті

    1 / 14

    11 қарашада Шет ауданында «Алпамыс батыр» жырын жатқа айтудан «Тұлпар мініп, ту алған!» облыстық байқауының І кезеңі өтті. Іс-шара Ақсу-Аюлы ауылындағы Аудандық мәдениет үйінде ұйымдастырылды.

    Байқау Қарағанды облысы әкімдігінің қолдауымен, облыстық тілдерді дамыту басқармасының ұйымдастыруымен өтті. Мақсаты – қазақ халқының рухани қазынасын жас ұрпаққа жеткізу, халық ауыз әдебиетін насихаттау, сөйлеу мәдениетін қалыптастыру және патриоттық сезімді арттыру.

    Шет ауданы бойынша 90-ға жуық оқушы өнерін көрсетті. Ашылу салтанатында облыстық тілдерді дамыту басқармасының басшысы Алма Қабыкенқызы Шалабаева құттықтау сөз сөйлеп, қатысушыларға сәттілік тіледі.

    Жүлдегерлерді қазылар алқасы анықтады. Қазылар алқасының төрағасы – Е.А. Бөкетов атындағы Қарағанды ұлттық зерттеу университетінің қауымдастырылған профессоры, филология ғылымдарының кандидаты Саржан Уахитұлы Такиров. Алқа құрамында:

    🔹 Амангельдин Берікбол Дәулетұлы – Шет аудандық аумақтық сайлау комиссиясының төрағасы, ақын, аудандық, облыстық жыр мүшәйраларының жүлдегері;

    🔹 Асанова Гүлшат Карибаевна – Сыдық Мұхамеджанов атындағы балалар өнер мектебінің директоры;

    🔹 Нурахметов Азамат Амантайұлы – Шет аудандық орталықтандырылған кітапхананың қызметкері, облыстық шешендік өнер, республикалық «Үздік кітапханашы» байқауларының жүлдегері.

    Байқау қорытындысымен жүлдегерлер анықталды:

    🥇 І орын – Саябекқызы Нұрсая, Хасен Сәрінжіпұлы атындағы жалпы білім беретін мектептің 10-сынып оқушысы (150 000 теңге);

    🥈 ІІ орын – Құсайын Нұржігіт Сержанұлы, Қызылтау негізгі орта мектебінің 6-сынып оқушысы (100 000 теңге);

    🥉 ІІІ орын – Ермекқали Гүлсезім Сәулетқызы, Ақжал негізгі орта мектебінің 8-сынып оқушысы (70 000 теңге).

    Жеңімпаздар облыстық кезеңге жолдама алды.

    #ШетАуданы #ТұлпарМініпТуАлған #АлпамысБатыр #ЖатқаАйту

    Әлеуметтік желілерде memleket.kz-ке жазылыңыз

    Қазақстанның маңызды жаңалықтары мен пайдалы материалдары — өзіңізге ыңғайлы платформада.

    Ұқсас материалдар

    "Қарағанды облысының тілдерді дамыту жөніндегі басқармасы" жаңалықтары