Мобильді топтардың қатысушылары теориялық және практикалық дайындықтан өтіп, сертификаттар алды.
Солтүстік Қазақстан облысында қысқы кезеңде төтенше жағдайлар туындаған кезде әрекет етуге дайындықтан сәтті өткен волонтерлердің мобильді топтарының 15 қатысушысына сертификаттар табысталды. Оқыту бағдарламасы теориялық сабақтар мен халыққа көмек көрсетуге және азаматтық қорғау қызметтерімен өзара іс-қимыл жасауға қажетті дағдыларды практикалық тұрғыда пысықтауды қамтыды.
Төтенше жағдайлар медицинасы орталығының мамандарымен бірлесіп, волонтерлер түрлі шұғыл жағдайларда зардап шеккендерге алғашқы көмек көрсету дағдыларын пысықтады. Психологтардың қатысуымен азаматтарға күйзеліс жағдайында психологиялық қолдау көрсету бойынша әңгімелесулер мен тренингтер өткізілді. Сонымен қатар кинологтармен бірлесіп, қатысушылар іздестіру-құтқару жұмыстарын ұйымдастыру, кинологиялық есептоптармен өзара іс-қимыл жасау және адамдарды іздеу әдістерімен танысты. Дайындық барысында мобильді топтардың жұмысын ұйымдастыру және төтенше жағдайлар кезіндегі іс-қимыл алгоритмдері де қарастырылды.
Оқу қорытындысы бойынша 15 волонтерге теориялық және практикалық дайындықтан өткенін растайтын сертификаттар табысталды. Алған білімдері мен дағдылары мобильді топтардың қатысушыларына төтенше жағдайларды жою кезінде, оның ішінде қысқы кезеңдегі қолайсыз ауа райы жағдайларында Департамент бөлімшелеріне көмек көрсетуге мүмкіндік береді.
Әлеуметтік желілерде memleket.kz-ке жазылыңыз
Қазақстанның маңызды жаңалықтары мен пайдалы материалдары — өзіңізге ыңғайлы платформада.
