2026 жылдың 9 қараша күні Шарын ауылдық округі әкім аппаратының мәжіліс залында суық қарудың заңсыз айналымының алдын алу мақсатында ауылдық округтің әлеуметтік нысандарының қызметкерлері мен тұрғындарының қатысуымен ақпараттық-түсіндіру кездесуі ұйымдастырылды.
Кездесудің негізгі мақсаты – тұрғындар арасында құқықтық сауаттылықты арттыру, суық қаруды заңсыз сақтау, алып жүру және пайдалану жағдайларының алдын алу, сондай-ақ қоғамдық қауіпсіздікті қамтамасыз ету.
Іс-шара барысында қатысушыларға суық қарудың заңсыз айналымына қатысты қолданыстағы заңнама талаптары түсіндіріліп, заңсыз қару сақтаудың және оны пайдаланудың құқықтық жауапкершілігі туралы ақпарат берілді. Сонымен қатар, қару-жараққа қатысты құқық бұзушылықтардың алдын алу, күмәнді жағдайлар анықталған кезде тиісті құқық қорғау органдарына хабарлау қажеттілігі айтылды.
Кездесу барысында тұрғындар өздерін толғандырған сұрақтарын қойып, тиісті жауаптар алды. Қатысушыларға ақпараттық-түсіндіру материалдары ұсынылды.
Осындай профилактикалық іс-шаралар алдағы уақытта да жалғасын тауып, ауылдық округ аумағында қоғамдық тәртіп пен қауіпсіздікті сақтау, құқық бұзушылықтардың алдын алу бағытында жұмыстар жүргізілетін болады.
Әлеуметтік желілерде memleket.kz-ке жазылыңыз
Қазақстанның маңызды жаңалықтары мен пайдалы материалдары — өзіңізге ыңғайлы платформада.
