2026 жылғы 31 қазанда Атырау қаласында жергілікті тауар өндірушілерді қолдауға, отандық өнімдерді кеңінен насихаттауға және іскерлік байланыстарды дамытуға бағытталған «Атырауда жасалған» көрме-жәрмеңкесі өтті.
Көрмеде мұнай-химия және жеңіл өнеркәсіп, құрылыс саласы кәсіпорындарының, сондай-ақ жергілікті азық-түлік өндірушілерінің өнімдері таныстырылды.
Іс-шара аясында Атырау облысы Әділет департаментінің зияткерлік меншік құқықтары бөлімінің қызметкерлері кәсіпкерлер арасында географиялық нұсқамалар мәселелері бойынша ақпараттық-түсіндіру жұмыстарын жүргізді.
Атап айтқанда, географиялық нұсқамалар маңызы, оларды құқықтық қорғау ерекшеліктері және зияткерлік меншік объектісі ретінде қорғау тәртібі түсіндіріліп, қатысушыларға ақпараттық брошюралар таратылды.
Әлеуметтік желілерде memleket.kz-ке жазылыңыз
Қазақстанның маңызды жаңалықтары мен пайдалы материалдары — өзіңізге ыңғайлы платформада.
