«Тіл тұғыры – ұлт ғұмыры» жобасы аясында 8–10 сынып оқушылары арасында қалалық зияткерлік сайыс ұйымдастырылды.
Мәдениет және тілдерді дамыту бөлімі ұйымдастырған шараға 6 команда, 30 оқушы қатысты. Қатысушылар төрт кезеңде білімдерін, тапқырлығы мен шешендік қабілеттерін сынға салды.
Сайыс қорытындысы бойынша:
І орын – «Тіл тарландары», №13 мектеп;
ІІ орын – «Сана серпіні», №22 мектеп;
ІІІ орын – «ТҰМАР», №26 гимназия.
Қалған командалар алғыс хаттармен және ақшалай сыйлықтармен марапатталды. Жеңімпаздарға дипломдар, кубоктар мен бағалы сыйлықтар табысталды.
Шараның басты мақсаты – жас ұрпақтың ана тіліне деген құрметін арттырып, қазақ тілінің қолданыс аясын кеңейту.
Әлеуметтік желілерде memleket.kz-ке жазылыңыз
Қазақстанның маңызды жаңалықтары мен пайдалы материалдары — өзіңізге ыңғайлы платформада.
