Іле ауданының прокуратурасы «Таза Қазақстан» акциясы аясында аудандық білім бөлімімен және мектеп оқушыларымен бірлесіп ағаш отырғызу бастамасын жалғастырды.
Тілендиев ауылындағы жайлы мектепте «Жас прокурорлар аллеясы» ашылды. Іс-шараға прокуратура, білім бөлімі, жергілікті атқарушы орган өкілдері, ұстаздар мен оқушылар қатысты. Олар мектеп аумағына ағаш отырғызып, қоршаған ортаны көркейтуге үлес қосты.
Ағаштарды күтіп-баптау оқушыларды еңбекқорлыққа, табиғатты аялауға және жауапкершілікке тәрбиелейді. Іс-шара барысында оқушылардың құқықтық сауатын арттыруға, заңға құрмет пен азаматтық жауапкершілікті қалыптастыруға бағытталған «Прокурордың жас көмекшілері» кабинеті де ашылды.
Таза аула және қауіпсіз орта — ортақ мақсат. Табиғатты қорғайтын, заңды құрметтейтін ұрпақты бірге тәрбиелейік!
#Заң_мен_тәртіп
Әлеуметтік желілерде memleket.kz-ке жазылыңыз
Қазақстанның маңызды жаңалықтары мен пайдалы материалдары — өзіңізге ыңғайлы платформада.
