Зеренді ауданы әкімінің қорытынды кездесуінің аясында халықтың құқықтық сауаттылығын арттыруға және азаматтарға білікті заңгерлік көмек көрсетуге бағытталған «Халық заңгері» акциясы ұйымдастырылды.
Іс-шараға уәкілетті мемлекеттік, құқық қорғау органдардың өкілдері, адвокаттар мен жеке сот орындаушылары қатысып, тұрғындарға өзекті құқықтық мәселелер бойынша түсіндіру жұмыстарын жүргізді. Атап айтқанда, интернет-алаяқтықтың алдын алу, желідегі құқыққа қайшы әрекеттерден қорғану жолдары, сондай-ақ азаматтардың құқықтары мен заңды мүдделерін қорғау мәселелеріне ерекше назар аударылды.
Акция барысында аудан тұрғындары мамандардан кеңес алып, өздерін толғандырған сұрақтарына жауаптар мен қолданыстағы заңнама аясында тиісті түсіндірмелер алды.
Мұндай іс-шаралар мемлекеттік органдарға деген сенімді нығайтуға, халықтың құқықтық сауаттылығын арттыруға және қоғамда құқықтық мәдениетті қалыптастыруға ықпал етеді.
Ақмола облысының прокуратурасы
Әлеуметтік желілерде memleket.kz-ке жазылыңыз
Қазақстанның маңызды жаңалықтары мен пайдалы материалдары — өзіңізге ыңғайлы платформада.
