1 / 3
Түркістан облысының әкімі Нұралхан Көшеровтің өңір аумағында улы газдан уланудың алдын алу және өрт қауіпсіздігін сақтау шараларын күшейту жөніндегі тапсырмасына сәйкес аудан әкімі аппаратының бас инспекторы Е.Қасымбек, аудандық Төтенше жағдайлар бөлімінің басшысы Д.Арын, "QazaqGaz Aimaq» АҚ ТӨФ Отырар газ шаруашылығының инженері Ө.Исабеков аудан орталығындағы тұрғын үйлерді аралап, қауіпсіздік талаптарының сақталу барысын тексерді.
Өрт пен жарылыс жағдайларының алдын алу, сондай-ақ адам шығынын болдырмау мақсатында ұйымдастырылған іс-шараға аудандық төтенше жағдайлар бөлімі, «Газ инспекциясы» мекемесі және «QazaqGaz Aimaq» АҚ-ның Отырар аудандық газ шаруашылығының мамандары қатысты. Тексеру барысында тұрғын үйлердің өрт қауіпсіздігі талаптарына сәйкестігі, электр және газ жүйелерінің қауіпсіз пайдаланылуы жан-жақты зерделенді. Сонымен қатар тұрғындарға өрт және газ қауіпсіздігі ережелерін сақтау жөнінде түсіндіру жұмыстары жүргізілді.
Тұрғын үй иелеріне қауіпсіздік талаптарын қатаң сақтау қажеттігі ескертіліп, анықталған кемшіліктерді қысқа мерзімде жою бойынша нақты ұсыныстар берілді.
