1 / 8
Мүгедектігі бар адамдар күніне орай Шардара ауданының әкімі Арман Романұлы Қарсыбаев аудан тұрғыны Жойбархан Нұрислам Мерейұлының отбасына арнайы барып, мерекелік құттықтауын жеткізді.
Аудан әкімі отбасының тұрмыс-тіршілігімен танысып, әлеуметтік жағдайын сұрап, көтерілген мәселелеріне назар аударды. Кездесу барысында отбасы мүшелеріне ізгі тілегін білдіріп, Жойбархан Нұрислам Мерейұлына зор денсаулық, отбасына амандық, бақ-береке және ырыс-бірлік тіледі.
Кездесуде аудан басшысы мүгедектігі бар азаматтарға қажетті қолдау көрсету, олардың қоғам өміріне белсенді араласуына жағдай жасау және әлеуметтік мәселелерін тұрақты назарда ұстау – мемлекеттік және қоғамдық міндеттердің маңызды бағыттарының бірі екенін атап өтті.
Мүгедектігі бар адамдар күні – қоғамның әрбір мүшесіне құрметпен қарап, жанашырлық пен өзара қолдаудың маңызын айқындайтын ерекше күн. Адамның жағдайына көңіл бөлу, мұң-мұқтажына құлақ асу және қажет кезінде жанынан табылу – адамгершілік пен ізгіліктің айқын көрінісі.
Шардара ауданы әкімдігінің баспасөз қызметі
