Павлодар облысының білім саласында сапаны қамтамасыз ету департаменті білім беру қызметімен айналысуға арналған лицензияға қосымша алу туралы 4 өтініштер бойынша тыңдау рәсімін өткізді.

2026 жылғы 30 қазанда Павлодар облысының білім саласында сапаны қамтамасыз ету департаменті білім беру қызметімен айналысуға арналған лицензияға қосымша алу туралы 4 өтініштер бойынша тыңдау рәсімін өткізді. Тыңдау ҚР Әкімшілік рәсімдік-процестік кодексінің 73-бабына сәйкес бас тарту туралы шешім қабылданар алдында өткізіледі. Ол өтініш берушіге өз ұстанымын білдіруге және қарсылығын ұсынуға мүмкіндік береді. Колледж бен жалпы білім беретін мектептің құжаттарын сараптау барысында ҚР Оқу-ағарту министрінің № 473 бұйрығымен бекітілген біліктілік талаптарына сәйкессіздіктер анықталды. Бұзушылықтар кадрлармен қамтамасыз етуге, кітапхана қорына, тамақтандыру мен медициналық қызмет көрсетуді ұйымдастыруға, сондай-ақ материалдық-техникалық базаға қатысты болды. Тыңдау барысында білім беру ұйымдарының басшыларына анықталған ескертулер мен оларды жою тәртібі түсіндірілді. Департамент білім беру ұйымдарына өтініш бермес бұрын мәліметтердің толықтығы мен дұрыстығын мұқият тексеруді ұсынады.