2025 жылы ҚР Еңбек және халықты әлеуметтік қорғау министрінің бұйрығымен 29 қазан кәсіпкерлер күні болып бекітілді. 2015 жылғы 29 қазанда Қазақстанда алғаш рет Бизнестің құқықтары мен мүдделерін қорғау, мемлекеттік бақылауды шектеу және кәсіпкерлер мен мемлекет арасында тиімді өзара іс-қимыл жасау үшін құрылған Кәсіпкерлік кодекс қабылданды.
Бүгінгі таңда облыста 59,8 мың шағын және орта бизнес субъектілері жұмыс істейді, олардың кәсіпорындарында 172 мыңнан астам қызметкер жұмыспен қамтылған. ШОБ секторының үштен бірінен астамы көтерме және бөлшек саудада, екінші үштен бірі ауыл шаруашылығында, көлікпен қамтамасыз етуде және қызмет көрсету саласында жұмыс істейді. Бұл ретте облыс экономикасындағы шағын бизнестің үлесіне барлық шығарылатын өнімнің 95%-ы тиесілі.
Күн сайын шағын және орта кәсіпорындар халықты қажетті тауарлар мен қызметтермен қамтамасыз етеді, жұмыс орындарын құрады. Олардың жауапты еңбегінің арқасында өңірде жаңа өндірістер ашылып, білім берудің, емдеудің, бос уақыттың жаңа түрлері қолжетімді болып, креативті экономика дамуда.
Өз кезегінде облыс әкімдігінің кәсіпкерлік және индустриялдық-инновациялық даму басқармасы кәсіпкерлерді кәсіби мерекелерімен құттықтайды. Сізге өркендеу, жаңа идеялар мен барлық мақсаттарға қол жеткізуді тілейміз!
