АТЫРАУ ОБЛЫСЫНДА ҰЛТТЫҚ МУЗЫКАЛЫҚ АСПАПТАР НАСИХАТТАЛУДА

2026 жылғы 27 қазанда Атырау облысы Әділет департаментінің зияткерлік меншік құқығы бөлімінің қызметкерлері «NURRIZA» жеке кәсіпкерінің өкілі Н.Т. Бисенбаевпен кездесу өткізді.
Кездесу барысында ұлттық музыкалық аспаптарды дайындау және насихаттау, сондай-ақ Атырау облысының географиялық нұсқамасына байланысты өнімдерді коммерцияландыру мәселелері талқыланды.
Атырау облысының географиялық нұсқамасының құқық иеленушісі болып табылатын «NURRIZA» жеке кәсіпкерлігі жергілікті ағаш түрлері – жиде мен шаған ағашынан домбыра дайындайды. Дайын өнімдер Атырау қаласындағы «Насиха» сауда орталығында сатылымға ұсынылған. Мұнда өңір тұрғындары мен қала қонақтары, соның ішінде шетелдік туристер де домбырамен танысып, оны сатып ала алады. Жергілікті ағаш түрлерін пайдалана отырып домбыра жасау ұлттық дәстүрлерді сақтауға, қазақтың ұлттық музыкалық аспабын кеңінен насихаттауға және өңірлік өндірісті дамытуға ықпал етеді.
Мұндай бастамалар Атырау облысының географиялық нұсқамасына байланысты өнімдерді ілгерілетуге, өңірдің танымалдылығын арттыруға және оның мәдени мұрасына деген қызығушылықты нығайтуға мүмкіндік береді.