2026 жылғы 23 қазанда Ақтөбе облысының санитариялық-эпидемиологиялық бақылау департаментінің техникалық регламенттер талаптарының сақталуын бақылау бөлімінің басшысы Утешова Н.Б. Ақтөбе қаласындағы көтерме және бөлшек сауда объектілерінің өкілдеріне арналған түсіндіру семинарын өткізді.
Семинар барысында жеке кәсіпкерлік субъектілеріне Кеден одағының техникалық регламенттерінің талаптары, сондай-ақ бақылау мақсатында өнімдерді сатып алу тәртібіне қатысты санитариялық қағидалар түсіндірілді.
Атап айтқанда, қатысушыларға Кеден одағының «Тағам өнімдерінің қауіпсіздігі туралы» КО ТР 021/2011, «Тағам өнімдерін таңбалау бөлігінде» КО ТР 022/2011, «Ет және ет өнімдерінің қауіпсіздігі туралы» КО ТР 034/2013 және «Сүт және сүт өнімдерінің қауіпсіздігі туралы» КО ТР 033/2013 техникалық регламенттерінің негізгі талаптары жеткізілді.
Іс-шараның негізгі мақсаты – тұтынушылардың денсаулығын қорғау, айналымдағы тағам өнімдерінің сапасы мен қауіпсіздігін қамтамасыз ету және қауіпсіздік талаптарына сәйкес келмейтін өнімдердің нарыққа түсуінің алдын алу.
Сонымен қатар, тағам өнімдерін өндіру, сақтау, тасымалдау және өткізу кезінде белгіленген талаптарды сақтау, өнімдердің таңбалануының дұрыстығын қамтамасыз ету, олардың сапасы мен қауіпсіздігін растайтын ілеспе құжаттардың болуын бақылау мәселелеріне ерекше назар аударылды.
