🩺 САНИТАРИЯЛЫҚ-ЭПИДЕМИОЛОГИЯЛЫҚ ҚЫЗМЕТ ЖҰМЫСКЕРЛЕРІНІҢ КҮНІ АТАЛЫП ӨТТІ
25 қыркүйек күні Ақтөбе қаласындағы «Шығармашылық академиясында» санитариялық-эпидемиологиялық қызмет жұмыскерлерінің кәсіби мерекесіне арналған салтанатты іс-шара өтті.
Мерекелік шараға мемлекеттік органдардың, денсаулық сақтау ұйымдарының, кәсіподақтардың, серіктес ұйымдардың өкілдері, сала ардагерлері мен санитариялық-эпидемиологиялық қызмет мамандары қатысты.
Салтанатты жиында халықтың санитариялық-эпидемиологиялық саламаттылығын қамтамасыз ету жолында еңбек етіп жүрген мамандардың кәсіби еңбегі атап өтіліп, бірқатар қызметкерлерге ҚР Денсаулық сақтау министрлігінің, Санитариялық-эпидемиологиялық бақылау комитетінің, Ақтөбе облысы әкімдігінің және салалық ұйымдардың марапаттары табысталды.
Сондай-ақ сала ардагерлеріне құрмет көрсетіліп, ұрпақтар сабақтастығы мен көпжылдық кәсіби еңбектің маңызы айрықша аталып өтті.
Мерекелік кеш концерттік бағдарламамен жалғасып, санитариялық-эпидемиологиялық қызмет мамандарына көтеріңкі көңіл-күй сыйлады.
Шара барысында жыл сайын дәстүрлі түрде өтетін «Көңілді мәре» спорттық сайысының ауыспалы кубогі биылғы жеңімпаз – «Ұлттық сараптама орталығы» Ақтөбе облысы бойынша филиалының командасына табысталды. Келесі жарыс Қобда ауданында өтеді.
Бұл күн – халық денсаулығын қорғау жолында күн сайын жауапкершілікпен еңбек етіп жүрген барша мамандарға деген құрметтің белгісі.
Барша санитариялық-эпидемиологиялық қызмет жұмыскерлерін кәсіби мерекелерімен құттықтаймыз!
Еңбектеріңіз еленіп, абыройларыңыз арта берсін! Дендеріңізге саулық, отбасыларыңызға амандық, қызметтеріңізге толағай табыс тілейміз! 🩺
орысшаға
