Емелдің үлкен саяхаты: Қазақстаннан Қырғызстанға!

Қазақстанда басталған сапар енді шекара асып, жаңа бағытта жалғасуда!

«Емелдің күнделігі» жобасы аясында спутниктік бақылауға алынған жас тазқара Емел Қырғызстан аумағына жетті.

Спутниктік мониторинг деректері оның қозғалысын бақылауға мүмкіндік беріп отыр. Қанаты қатайған сайын Емел жаңа кеңістіктерді игеріп, бұрын болмаған аумақтарды зерттеуде.

Ал Емелдің келесі аялдамасы қайда болмақ?

Ғалымдардың болжамынша, жас тазқара Орталық Азия арқылы оңтүстікке қарай сапарын жалғастырып, тіпті Үндістанға дейін жетуі мүмкін.

Спутниктік бақылау құстың нақты қозғалыс бағытын анықтауға және оның қоныс аудару ерекшеліктерін зерттеуге мүмкіндік береді.

Емелдің саяхаты жалғасуда!

Қырғызстан – жаңа аялдама.
Үндістан – келесі бағыт болуы мүмкін бе?

Емелдің сапарын бірге бақылайық!