Жамбыл облыстық психикалық денсаулық орталығында байқау кеңесінің отырысы өтті

Жамбыл облыстық психикалық денсаулық орталығында байқау кеңесінің отырысы өтті

Жамбыл облысы әкімдігі денсаулық сақтау басқармасының басшысы Сержан Назарбектің қатысуымен Жамбыл облыстық психикалық денсаулық орталығының байқау кеңесінің отырысы өтті.

Жиында орталықтың басқару жүйесін жетілдіру, алдағы жұмыс жоспарын айқындау және медициналық ұйым қызметінің тиімділігін арттыру мәселелері қаралды.

Күн тәртібіне сәйкес, алдымен байқау кеңесінің төрағасы сайланып, хатшысы бекітілді. Сонымен қатар кеңес хатшысының өкілеттік мерзімі мен еңбекақы мөлшерін айқындау мәселесі талқыланды.

Отырыс барысында орталықтың 2026 жылға арналған бесжылдық даму жоспары бекітіліп, бас дәрігердің, оның орынбасарлары мен бас бухгалтердің есепті кезең қорытындысы бойынша бағалау индикаторларының орындалуы туралы есептері қаралды.

Жиында көтерілген мәселелер медициналық ұйымның қызметін жүйелі ұйымдастыруға, басқару тиімділігін арттыруға және алдағы кезеңге арналған міндеттерді нақтылауға бағытталды.